തിരുന്നാവായ: തിരുന്നാവായയില്‍ നാലു കിലോ കഞ്ചാവുമായി രണ്ടുപേര്‍ പോലീസ് പിടിയില്‍. കൊപ്പം സ്വദേശി ഏങ്ങാകോട്ടില്‍ റഷീദ്(39), ചെറുകര സ്വദേശി പള്ളതൊടി അബ്ദുള്‍ മജീദ്(38) എന്നിവരെയാണ് തിരൂര്‍ പോലീസ് പിടികൂടിയത്. തിരൂര്‍ ഡിവൈഎസ്പി ബെന്നി വി വി യുടെ നിര്‍ദ്ദേശപ്രകാരം കഴിഞ്ഞദിവസം അര്‍ദ്ധരാത്രിയില്‍ തിരുനാവായ റെയില്‍വേ സ്‌റ്റേഷന് സമീപത്ത് നടത്തിയ പരിശോധനയിലാണ് ഇവര്‍ പിടിയിലായത്.
വില്‍പ്പനയ്ക്കായി കവറുകളിലാക്കി സൂക്ഷിച്ചിരുന്ന 4.100 കിലോഗ്രാം കഞ്ചാവ് ഇവരില്‍ നിന്ന് പിടിച്ചെടുത്തു. തിരൂര്‍ സിഐ ജിജോയുടെ നേതൃത്വത്തില്‍ എസ്‌ഐ ജലീല്‍ കറുത്തേടത്ത്, പ്രൊബേഷന്‍ എസ്‌ഐ സനീത്, എസ്‌ഐ പി ഡി ജോസഫ്, സ്‌കോഡ് അംഗങ്ങളായ എസ്‌ഐ പ്രമോദ്, എഎസ്‌ഐ ജയപ്രകാശ്, എസ് സി പിഒ ജയപ്രകാശ്,രാജേഷ്, സിവില്‍ പോലീസ് ഓഫീസര്‍മാരായ സുമേഷ്, ബിജി, ഷെറിന്‍ ജോണ്‍, ആന്റണി എന്നിവരടങ്ങിയ സംഘമാണ് പ്രതികളെ പിടികൂടിയത്. തിരുനാവായയിലും പരിസര പ്രദേശങ്ങളിലും മറ്റും വില്‍പന നടത്തുന്ന ആളുകള്‍ക്ക് കൈമാറുന്നതിനായാണ് പ്രതികള്‍ കഞ്ചാവ് കൊണ്ടുവന്നതെന്ന് പോലീസ് പറഞ്ഞു.
