പോത്തന്‍കോട്: തിരുവനന്തപുരം കൊയ്ത്തൂര്‍ക്കോണം ഖബറഡിക്ക് സമീപത്തെ ചിറയില്‍ കാല്‍ വഴുതി വീണ് പത്തു വയസുകാരന്‍ മരിച്ചു. കൊയ്ത്തൂര്‍ക്കോണം ഖബറഡി ഫാത്തിമ മന്‍സിലില്‍ മുഹമ്മദ് ബാഷ, ഷീജ ദമ്പതികളുടെ മകന്‍ മുഹമ്മദ് ഫര്‍ഹാന്‍ (10) ആണ് മരിച്ചത്. കല്ലൂര്‍ ഗവ. യു.പി സ്‌കൂളിലെ അഞ്ചാം ക്ലാസ് വിദ്യാര്‍ഥിയാണ്.
ബന്ധുവീട്ടിലെത്തിയ ഫര്‍ഹാന്‍ കുട്ടികളുമായി കളിച്ചു കൊണ്ട് ചിറയ്ക്ക് സമീപം നില്‍ക്കുമ്പോഴാണ് കാല്‍വഴുതി വീണത്. നാട്ടുകാര്‍ ഉടന്‍ രക്ഷപെടുത്തി കഴക്കൂട്ടത്തെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു. പിരപ്പന്‍കോട് സകൂളിലെ പ്ലസ്ടു വിദ്യാര്‍ഥി ഫാത്തിമ സഹോദരിയാണ്.
