ചെങ്ങന്നൂർ: കഴിഞ്ഞ 40 വർഷമായി തരിശുകിടന്ന പുലിയൂർ ചിറ്റാറ്റു വയൽ പാടശേഖരത്ത് വിത്തു വിതച്ചു. ദീർഘനാളായി പായലും പോളയും കുളയട്ടയും നിറഞ്ഞ് ഉപയോഗയോഗ്യമല്ലാതെ കിടക്കുകയായിരുന്നു15 ഏക്കറിൽ അധികം വരുന്ന ഈ പാടശേഖരം . സജി ചെറിയാൻ എം എൽ എ വിത്തുവിത ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്റ് ടി.ടി. ഷൈലജ അദ്ധ്യക്ഷത വഹിച്ചു. ഗ്രാമ പഞ്ചായത്തംഗങ്ങളായ രമ്യാ പ്രമോദ്, പ്രദീപ് കെ.പി, ജെസി പോൾ, കൃഷി ആഫീസർ എൻ.എസ് മഞ്ജുഷ എന്നിവർ പ്രസംഗിച്ചു.
