കുട്ടിക്കാനം: ഇടുക്കി കുട്ടിക്കാനത്ത് വിനോദ സഞ്ചാരത്തിനെത്തിയ യുവാവ് കുളത്തില്‍ വീണ് മരിച്ചു. താമസിച്ച റിസോര്‍ട്ടിനു സമീപമുള്ള കുളത്തില്‍ വീണാണ് യുവാവ് മരിച്ചത്.എറണാകുളം പള്ളുരുത്തി കണ്ണമാലി ചെറിയ കടവ് ഭാഗത്ത് അറയ്ക്കൽ വീട്ടില്‍ ആല്‍വിന്റെ മകന്‍ നിഥിന്‍(30) ആണ് മരിച്ചത്.കഴിഞ്ഞ ദിവസമാണ് നിഥിനും സംഘവും കുട്ടിക്കാനത്ത് വിനോദ സഞ്ചാരത്തിനെത്തിയത്. ഡ്രൈവര്‍ ഉള്‍പ്പെടെ 11 പേരുള്ള സംഘമായിരുന്നു ഇവര്‍. ഇന്നു രാവിലെ തിരികെ പോകാന്‍ തയ്യാറാകുമ്പോഴാണ് നിഥിനെ കുളത്തില്‍ വീണ നിലയില്‍ കണ്ടെത്തിയത്. തുടര്‍ന്ന് പീരുമേട് താലൂക്ക് ആശുപത്രിയില്‍ എത്തിച്ചെങ്കിലും മരിച്ചു.
