കൊച്ചി: മോഹന്‍ലാലിനെ നായകനാക്കി ഉദയകൃഷ്ണ തിരക്കഥയെഴുതി വൈശാഖ് സംവിധാനം ചെയ്ത ‘മോണ്‍സ്റ്റര്‍’ ഡിസംബര്‍ 2 മുതല്‍ ഒ.ടി.ടിയില്‍ എത്തുമെന്ന് ഹോട്ട്സ്റ്റാര്‍ അറിയിച്ചു. ബോക്സ് ഓഫീസില്‍ വലിയ തിരിച്ചടി നേരിട്ട ചിത്രം ആഗോളതലത്തില്‍ 6.5 കോടി രൂപയില്‍ താഴെയാണ് തിയേറ്ററുകളില്‍ നിന്ന് നേടിയത്.
മലയാളത്തിലെ ആദ്യ 100 കോടി ചിത്രം പുലിമുരുകന്‍റെ ടീം വീണ്ടും ഒന്നിച്ച ചിത്രത്തില്‍ ലക്കി സിംഗ് എന്ന കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്. ആശിര്‍വാദ് ഫിലിംസ് നിര്‍മ്മിച്ച ചിത്രത്തിന്‍റെ ഷൂട്ടിംഗ് കോവിഡ് നിയന്ത്രണങ്ങള്‍ക്കിടെയാണ് പൂര്‍ത്തിയായത്. ഹണി റോസും ചിത്രത്തില്‍ പ്രധാന വേഷത്തില്‍ അഭിനയിക്കുന്നു.
