Sunday, July 6, 2025 2:09 pm

ഇലക്ട്രിക്ക് വാഹന മേഖലയില്‍ വമ്പന്‍ നിക്ഷേപത്തിന് ടാറ്റ

For full experience, Download our mobile application:
Get it on Google Play

മുംബൈ : രാജ്യത്തെ ഇലക്ട്രിക്ക് വാഹന  രംഗത്ത് വമ്പന്‍ നിക്ഷേപ നീക്കവുമായി ടാറ്റാ മോട്ടോഴ്സ്. വരുന്ന അഞ്ചു വർഷം കൊണ്ട് 16,000 കോടി രൂപയുടെ നിക്ഷേപത്തിനാണ് ടാറ്റ മോട്ടോഴ്സ് പദ്ധതിയിടുന്നതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.  ഇതിന്റെ ഭാഗമായി നിക്ഷേപക സ്ഥാപനമായ ടിപിജി റൈസ് ക്ലൈമറ്റ്, അബുദാബിയിലെ എഡിക്യു എന്നിവയിൽ നിന്നായി 7,500 കോടി രൂപ സമാഹരിച്ചു. യാത്രാ വിഭാഗത്തിലുള്ള വൈദ്യുത വാഹനങ്ങൾക്കായി ടാറ്റ മോട്ടോഴ്സിന്റെ ഉപകമ്പനിയായി രൂപവത്കരിച്ച എവ്കോയിലാണ് നിക്ഷേപമെത്തുക എന്നാണ് റിപ്പോര്‍ട്ടുകള്‍.

ഇതുവഴി എവ്കോയിൽ ഇവർക്ക് 11 മുതൽ 15 ശതമാനംവരെ ഓഹരികൾ ലഭിക്കും. 18 മാസം കൊണ്ട് ഘട്ടംഘട്ടമായിട്ടാകും തുക കൈമാറുക. മലിനീകരണം കുറഞ്ഞ വാഹനങ്ങൾക്കായി ഇന്ത്യൻ കമ്പനി മൂലധനമുയർത്തുന്നത് ഇതാദ്യമാണ്. ടാറ്റ മോട്ടോഴ്സിന്റെ വൈദ്യുതകാറുകളുടെ വ്യവസായം പൂർണമായും എവ്കോ ഏറ്റെടുക്കും. യാത്രാവാഹന വ്യവസായവും നിലവിലുള്ള നിർമാണശാലകൾ, ഡീലർഷിപ്പുകൾ, ബ്രാൻഡുകൾ തുടങ്ങിയവയും യാത്രാ വാഹന വിഭാഗത്തിൽ നിലനിർത്തുമെന്നും വാണിജ്യവാഹന വിഭാഗത്തിലെ വൈദ്യുത വാഹനങ്ങൾ മാതൃകമ്പനിക്കൊപ്പം തുടരും എന്നുമാണ് റിപ്പോര്‍ട്ടുകള്‍. പുതിയ വാഹനങ്ങളുടെ രൂപകല്പന, പ്ലാറ്റ്ഫോം തയ്യാറാക്കൽ, ചാർജിങ് സൗകര്യങ്ങൾ വർധിപ്പിക്കുക, ഘടകങ്ങളുടെ പ്രാദേശികവത്കരണം കൂട്ടുക തുടങ്ങിയകാര്യങ്ങൾക്കാകും തുക വിനിയോഗിക്കുക. ഘടകങ്ങളുടെ പ്രാദേശിക വത്കരണം നിലവിലെ 60 ശതമാനത്തിൽനിന്ന് 2025 ഓടെ 85 ശതമാനത്തിലെത്തിക്കാനാണ് പദ്ധതി.

പുതിയ നിക്ഷേപത്തോടെ എവ്കോയുടെ മൂല്യം 66,600 കോടി രൂപയായി ഉയർന്നു. ഈ വർഷമാദ്യം ടാറ്റ മോട്ടോഴ്സ് കമ്പനിയിൽ 9,417 കോടി രൂപ നിക്ഷേപിച്ചിരുന്നു. ഇലക്‌ട്രിക് യാത്രാകാർ വിഭാഗത്തിൽ 70 ശതമാനം വിപണിവിഹിതവുമായി മറ്റുകമ്പനികളെക്കാൾ ബഹുദൂരം മുന്നിലാണ് ടാറ്റ മോട്ടോഴ്സ്. ടാറ്റയുടെ നെക്സോണ്‍ ഇവി അടുത്തിടെ അതിന്റെ ഡീസല്‍ മോഡലിന്റെ വില്‍പ്പനയെ പിന്തള്ളി മുന്നില്‍ എത്തിയിരുന്നു. അടുത്തിടെ കമ്പനി പുറത്തിറക്കിയ പുതിയ ടിഗോര്‍ ഇവിക്കും മികച്ച വരവേല്‍പ്പാണ് ലഭിക്കുന്നത്.

dif
ncs-up
rajan-new
previous arrow
next arrow
Advertisment
life new add up
silpa-up
asian
WhatsAppImage2022-07-31at72444PM
life-line
previous arrow
next arrow

FEATURED

കേരള കോണ്‍ഗ്രസ് എം ചെയര്‍മാന്‍ ജോസ് കെ മാണിയുമായി കൂടിക്കാഴ്ച നടത്തി മുനമ്പം സമരസമിതി

0
കോട്ടയം: കേരള കോണ്‍ഗ്രസ് എം ചെയര്‍മാന്‍ ജോസ് കെ മാണിയുമായി കൂടിക്കാഴ്ച...

പൂജാമുറിയിൽ ദൈവങ്ങളുടെ ചിത്രങ്ങൾക്കൊപ്പം 10 കിലോ കഞ്ചാവ് ഒളിപ്പിച്ച് പൂജ നടത്തിയ യുവാവ് അറസ്റ്റിൽ

0
ഹൈദരാദാബ്: ദൈവങ്ങളുടെ ചിത്രങ്ങൾക്ക് പിന്നിൽ 10 കിലോ കഞ്ചാവ് ഒളിപ്പിച്ച് പൂജ...

കോട്ടയം മെഡിക്കൽ കോളേജ് അപകടത്തിന്റെ പ്രാഥമിക അന്വേഷണ റിപ്പോർട്ട് ജില്ലാ കളക്ടർ സമർപ്പിച്ചു

0
കോട്ടയം: കോട്ടയം മെഡിക്കൽ കോളേജ് അപകടത്തിന്റെ പ്രാഥമിക അന്വേഷണ റിപ്പോർട്ട് ജില്ലാ...

കോഴിക്കോട് പെരുവയലിൽ 23 ഗ്രാം മെത്താംഫിറ്റമിനും 1.64 കിലോഗ്രാം കഞ്ചാവും പിടിച്ചെടുത്ത് എക്സൈസ്

0
കോഴിക്കോട്: കോഴിക്കോട് പെരുവയലിൽ യുവാവിനെ കഞ്ചാവും മെത്താംഫിറ്റമിനുമായി പിടികൂടി. പെരുവയൽ സ്വദേശി...