കട്ടപ്പന: കട്ടപ്പനയില്‍ ഹൃദയാഘാതം സംഭവിച്ച 17-കാരിയെ അടിയന്തര ചികിത്സ ലഭ്യമാക്കുന്നതിന് ആംബുലന്‍സില്‍ അമൃതയിലേക്ക് മാറ്റുന്നു. കട്ടപ്പനയില്‍ നിന്ന് പുറപ്പെട്ട ആംബുലന്‍സ് ചെറുതോണി – തൊടുപുഴ – മുവാറ്റുപുഴ – വൈറ്റില വഴി അമൃത ആശുപത്രിയില്‍ എത്താനാണ് പദ്ധതി. ആംബുലന്‍സിന് വഴിയൊരുക്കണമെന്ന് ജലവിഭവ മന്ത്രി റോഷി അഗസ്റ്റിന്‍ അഭ്യര്‍ത്ഥിച്ചു. കെ എല്‍ 06 എച്ച് 9844 നമ്പരിലുള്ള കട്ടപ്പന സര്‍വീസ് ബാങ്ക് ആംബുലന്‍സിലാണ് കുട്ടിയെ ആശുപത്രിയിലേക്ക് കൊണ്ടുപോകുന്നത്.
എത്രയും വേഗത്തില്‍ കുട്ടിയെ അമൃതയില്‍ എത്തിക്കാനാണ് ശ്രമമെന്ന് മന്ത്രി റോഷി ആഗസ്റ്റിന്റെ ഓഫീസ് അറിയിച്ചു. ആന്‍മരിയ ജോയ് എന്ന കുട്ടിയ്ക്കാണ് ഹൃദയാഘാതമുണ്ടായി അടിയന്തിര ചികിത്സ ആവശ്യമായി വന്നത്. കട്ടപ്പനയില്‍ നിന്ന് പുറപ്പെട്ട ആംബുലന്‍സ് ചെറുതോണി – തൊടുപുഴ – മുവാറ്റുപുഴ – വൈറ്റില വഴി അമൃത ആശുപത്രിയില്‍ എത്താനാണ് പദ്ധതി. ട്രാിക്ക് നിയന്ത്രിച്ച് ആംബുലന്‍സിന് വഴിയൊരുക്കാന്‍ പോലീസ് രംഗത്തുണ്ട്. പോകുന്ന റൂട്ടിലെ മറ്റ് യാത്രക്കാര്‍ ഇതൊരു അറിയിപ്പായി കണ്ട് ആംബുലന്‍സിന് വഴിയൊരുക്കണമെന്ന് മന്ത്രിയുടെ ഓഫീസില്‍ നിന്ന് അറിയിച്ചത്.
