ന്യൂഡല്‍ഹി : പട്ടത്തിന്റെ നൂല്‍ കഴുത്തില്‍ കുരുങ്ങി മുറിഞ്ഞ് 23കാരന് ദാരുണാന്ത്യം. നജാഫ്ഗഡ് സ്വദേശിയായ 23കാരനായ സൗരഭ് ദഹിയയാണ് മരിച്ചത്. ഞായറാഴ്ചയാണ് സംഭവം. വെള്ളിയാഴ്ച വൈകിട്ട് മങ്കോല്‍പുരി -സുല്‍ത്താന്‍പുരി മേല്‍പ്പാത കടക്കുന്നതിനിടെ നൂല്‍ കഴുത്തില്‍ കുടുങ്ങി കഴുത്ത് മുറിഞ്ഞ് ചോര വരികയായിരുന്നു.
അടുത്തുണ്ടായിരുന്നവര്‍ സൗരഭിനെ തൊട്ടടുത്ത സരോജ് ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. ബൈക്കില്‍ ബന്ധുവിന്റെ വീട്ടിലേക്ക് പോകുന്നതിനിടെയാണ് അപകടം. ചില്ലുപൊടി നൈലോണ്‍ ചരടില്‍ ചേര്‍ത്ത് നിര്‍മിക്കുന്ന പ്രത്യേക തരം നൂലാണ് മാഞ്ചാ നൂല്‍. അപകട സാധ്യതയുള്ളതിനാല്‍ ഇവ നിരോധിച്ചിരുന്നു. സംഭവത്തില്‍ അജ്ഞാതര്‍ക്കെതിരെ പോലീസ് കേസെടുത്തു.
