കോഴിക്കോട് : കോഴിക്കോട് ബീച്ചില്‍ തിരയില്‍പ്പെട്ട് മൂന്നുപേരെ കാണാതായി. രക്ഷപെടുത്തിയ രണ്ടുപേരില്‍ ഒരാള്‍ മരിച്ചു. ഒരാള്‍ക്കായി തെരച്ചില്‍ തുടരുകയാണ്. കോഴിക്കോട് ലയണ്‍സ് പാര്‍ക്കിന് സമീപം ബീച്ചിലാണ് വൈകുന്നേരം വയനാട് സ്വദേശികളായ മൂന്ന് പേരെ കാണാതായത്.
അജയ് (18), ജെറിന്‍ (18) എന്നിവരെ രക്ഷിച്ച് ആശുപത്രിയില്‍ പ്രവേശിച്ചു. പിന്നീട് ജെറിന്‍ മരിച്ചു. വയനാട് സ്വദേശി അര്‍ഷാദി(30)ന് വേണ്ടിയാണ് തെരച്ചില്‍ തുടരുന്നത്. വെളളയില്‍ പോലീസും ഫയര്‍ ആന്‍ഡ് റെസ്‌ക്യു ഫോഴ്‌സും ചേര്‍ന്നാണ് തെരച്ചില്‍ നടത്തുന്നത്.
