കൊല്ലം : വൃത്തിയാക്കാനിറങ്ങിയ കിണറിനുള്ളില്‍ കുടുങ്ങി നാലു പേര്‍ മരിച്ചു. കുണ്ടറ പെരുമ്പുഴ കോവില്‍ മുക്കിലാണ് സംഭവം. അപകടത്തില്‍പ്പെട്ടവരെ അഗ്നിരക്ഷാ സേനയെത്തി പുറത്തെടുത്തെങ്കിലും മൂന്നു പേര്‍ സംഭവ സ്ഥലത്തുവെച്ചും ഒരാള്‍ ആശുപത്രിയില്‍ വെച്ചും മരിച്ചു. രക്ഷാപ്രവര്‍ത്തനത്തിനിറങ്ങിയ അഗ്നിശമനസേന ഉദ്യോഗസ്ഥനും തളര്‍ന്നുവീണു. 100 അടിയോളം താഴ്ചയുള്ള കിണറിലെ ചെളി നീക്കം ചെയ്യാന്‍ ഇറങ്ങിയ തൊഴിലാളികളാണ് കുടുങ്ങിയത്.
