തിരുവനന്തപുരം : തദ്ദേശ തിരഞ്ഞെടുപ്പ് ഏതാനും ആഴ്ചകൾ നീട്ടണമെന്ന് എൽഡിഎഫും യുഡിഎഫും. നാളെ ചേരുന്ന സർവകക്ഷിയോഗത്തിൽ ഇക്കാര്യം ചർച്ച ചെയ്യും.
ജനുവരിയിൽ പുതിയ ഭരണസമിതി വരുന്ന രീതിയിൽ പുന:ക്രമീകരിക്കാനാണ് നീക്കം. സർവ്വകക്ഷിയോഗത്തിലും പ്രതിപക്ഷ നിലപാട് ഇതായിരിക്കും.
അതേസമയം കോവിഡ് വ്യാപനം കണക്കിലെടുത്ത് രണ്ടു മണ്ഡലങ്ങളിലെ ഉപതിരഞ്ഞെടുപ്പ് വേണ്ടെന്നാണ് സർക്കാർ അഭിപ്രായം. തിരഞ്ഞെടുപ്പ് കമ്മിഷനാണ് ഇക്കാര്യത്തിൽ അന്തിമ തീരുമാനമെടുക്കുക. വ്യക്തമായ കാരണങ്ങൾ ഇല്ലാതെ ചവറ, കുട്ടനാട് ഉപതിരഞ്ഞെടുപ്പുകൾ ഉപേക്ഷിക്കില്ലെന്നാണ് കേന്ദ്രതിരഞ്ഞെടുപ്പ് കമ്മീഷൻ വൃത്തങ്ങൾ നൽകുന്ന സൂചന.