തിരുവനന്തപുരം : സംസ്ഥാനത്ത് സ്വർണവില കുറഞ്ഞു. ഗ്രാമിന് 30 രൂപയും പവന് 240 രൂപയുമാണ് ബുധനാഴ്ച കുറഞ്ഞത്. ഇതോടെ ഗ്രാമിന് 4,475 രൂപയും 35,800 രൂപയുമാണ് ഇന്നത്തെ നിരക്ക്. തുടർച്ചയായ ദിവസങ്ങളിൽ സംസ്ഥാനത്തെ സ്വർണ വില വർധിച്ചിരുന്നു. ഈ മാസത്തെ ഏറ്റവും ഉയർന്ന വില ഇന്നലെ രേഖപ്പെടുത്തിയത്. ഗ്രാമിന് 4,505 രൂപയും പവന് 36,040 രൂപയുമാണ്.
ഒക്ടോബർ 1ന് രേഖപ്പെടുത്തിയ ഗ്രാമിന് 4,340 രൂപയും പവന് 34,720 രൂപയുമാണ് ഈ മാസത്തെ സ്വർണത്തിന്റെ ഏറ്റവും കുറഞ്ഞ നിരക്ക്. രാജ്യാന്തര വിപണിയിലും സ്വർണ വില കുറഞ്ഞു. സ്പോട്ട് ഗോൾഡ് 0.2 ശതമാനം ഇടിഞ്ഞ് ഔൺസിന് 1,788.66 ഡോളറിലെത്തി. യുഎസ് സ്വർണ്ണ ഫ്യൂച്ചറുകളും 0.2 ശതമാനം കുറഞ്ഞ് 1,790.60 ഡോളറായി. സ്വർണം 1980 ഡോളറിലെ പിന്തുണ തേടി വീണു. നവംബർ മൂന്നിന് നടക്കുന്ന ഫെഡ് മീറ്റിങ് ബോണ്ട് യീൽഡിന് നൽകിയേക്കാവുന്ന മുന്നേറ്റം സ്വർണത്തിനു ബാധ്യതയാണ് എന്ന് വിദഗ്ധർ അഭിപ്രായപ്പെട്ടു.