പത്തനംതിട്ട : സമഗ്ര ശിക്ഷാ കേരളം സംസ്ഥാന തലത്തില്‍ സംഘടിപ്പിച്ചിരിക്കുന്ന സുരീലീ ഹിന്ദിയുടെ പത്തനംതിട്ട ജില്ലാതല പരിശീലനം നവംബർ 22, 23 തീയതികളിൽ കോഴഞ്ചേരി ബി.ആര്‍.സി യില്‍ നടക്കും. ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് അഡ്വ.ഓമല്ലൂര്‍ ശങ്കരന്‍ നിര്‍വഹിക്കും. ആരോഗ്യ-വിദ്യാഭ്യാസ സ്റ്റാന്‍ഡിംഗ് കമ്മറ്റി ചെയര്‍മാന്‍ ആര്‍.അജയകുമാര്‍ അധ്യക്ഷത വഹിക്കും.
യു.പി, ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളിലെ വിദ്യാര്‍ഥികള്‍ക്ക് സുരീലി ഹിന്ദി പരിശീലത്തില്‍ പങ്കെടുക്കാം. സംസ്ഥാനത്തെ പൊതു വിദ്യാലയങ്ങളില്‍ പഠിക്കുന്ന വിദ്യാര്‍ഥികളില്‍ ഹിന്ദി ഭാഷയോട് താത്പര്യം ജനിപ്പിക്കുവാനും, ഹിന്ദി നൈപുണ്യവികസനം, സാഹിത്യാഭിരുചി, സര്‍ഗാത്മക പ്രവര്‍ത്തന വികസനം എന്നിവ വര്‍ധിപ്പിക്കുവാനും ലക്ഷ്യമിട്ടാണ് പരിശീലനം സംഘടിപ്പിച്ചിരിക്കുന്നത്.
