ഒമിക്രോണ്‍ ; ഡല്‍ഹിയില്‍നിന്ന് അയച്ച 60 ഓളം സാമ്പിളുകളുടെ പരിശോധനാഫലം ഞായറാഴ്ച പുറത്തുവരും

ന്യൂഡൽഹി : രാജ്യത്ത് കൂടുതൽ ഒമിക്രോൺ പരിശോധനാ ഫലങ്ങൾ ഞായറാഴ്ച പുറത്തുവരും. ഡൽഹിയിൽ നിന്നയച്ച സാമ്പിളുകളുടെ ഫലമാണ് വരാനുള്ളത്. അതിനിടെ മറ്റു സംസ്ഥാനങ്ങൾക്കും കേന്ദ്രം ജാഗ്രതാ നിർദേശം നൽകി. മഹാരാഷ്ട്രയിലും ഗുജറാത്തിലും ജാഗ്രത വർധിപ്പിച്ചു. കർണാടകയിൽ തുടർ നടപടികൾക്കായി ആരോഗ്യ വകുപ്പിന്റെ യോഗം ഞായറാഴ്ച ചേരും. 60 ൽപ്പരം സാമ്പിളുകളുടെ ഫലമാണ് പുറത്തുവരാനുള്ളത്. നിലവിൽ നാല് സംസ്ഥാനങ്ങളിലാണ് രാജ്യത്ത് ഒമിക്രോൺ സ്ഥിരീകരിച്ചത്. കർണാടകയിൽ രണ്ട് പേർക്കും മഹാരാഷ്ട്ര ഗുജറാത്ത് എന്നിവടങ്ങളിൽ ഓരോരുത്തർക്കും ഒമിക്രോൺ വകഭേദം സ്ഥിരീകരിച്ചിട്ടുണ്ട്.