എല്‍.ഡി.എഫ് സ്ഥാനാര്‍ത്ഥി റോബി എബ്രഹാമിന്‍റെ തെരഞ്ഞെടുപ്പു കണ്‍വന്‍ഷന്‍ നടന്നു

 വൃന്ദാവനം : കൊറ്റനാട് ഗ്രാമ പഞ്ചായത്ത് ഏഴാം വാര്‍ഡില്‍ നടക്കുന്ന ഉപതിരഞ്ഞെടുപ്പില്‍ എല്‍.ഡി.എഫ് സ്ഥാനാര്‍ത്ഥിയായി മത്സരിക്കുന്ന റോബി എബ്രഹാമിന്‍റെ തെരഞ്ഞെടുപ്പു കണ്‍വന്‍ഷന്‍ നടന്നു. അഡ്വ. പ്രമോദ് നാരായണ്‍ എം.എല്‍.എ ഉദ്ഘാടനം ചെയ്തു. ബാബു ചാക്കോ അധ്യക്ഷത വഹിച്ചു. ഓയില്‍പാം ഇന്ത്യാ ചെയര്‍മാന്‍ എം.വി വിദ്യാധരന്‍ സി.പി.എം ജില്ലാ സെക്രട്ടേറിയറ്റംഗം പി.ആര്‍ പ്രസാദ്, മല്ലപ്പള്ളി ബ്ലോക്ക് പഞ്ചായത്ത് പ്രസിഡന്‍റ് ബിന്ദു ചന്ദ്രമോഹന്‍, കൊറ്റനാട് ഗ്രാമപഞ്ചായത്ത് പ്രസിഡന്‍റ് പ്രകാശ് പി.സാം, ജില്ലാ പഞ്ചായത്തംഗം രാജി പി.രാജപ്പന്‍, ഇ.കെ അജി,ഹരികുമാര്‍ തെള്ളിയൂര്‍, ബഹനാന്‍ ജോസഫ്, ഈപ്പന്‍ വര്‍ഗീസ്, അനില്‍ കേഴപ്ലാക്കല്‍ എന്നിവര്‍ പ്രസംഗിച്ചു. ഭാരവാഹികള്‍ ബാബു ചാക്കോ (ചെയര്‍മാന്‍), അനില്‍ കേഴപ്ലാക്കല്‍ (കണ്‍വീനര്‍) എന്നിവരെ തെരഞ്ഞെടുത്തു.