നാഥാപുരത്തെ വീട്ടമ്മയുടെ മരണം ; ഭക്ഷ്യ വിഷബാധയെന്ന് സംശയം

കോഴിക്കോട് : ഭക്ഷ്യവിഷബാധയേറ്റാണ് കോഴിക്കോട് നാദാപുരത്തെ വീട്ടമ്മ മരിച്ചതെന്ന് സംശയം. മരിച്ചത് ചിയ്യൂര്‍ കരിമ്പലംകണ്ടി മൊയ്തുവിന്റ ഭാര്യ സുലൈഹ (42) യാണ്. കോഴിക്കോട്ടെ സ്വകാര്യ ആശുപത്രിയില്‍ ശാരീരികാസ്വാസ്ഥ്യത്തെ തുടര്‍ന്ന് സുലൈഹയെ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. ഭക്ഷ്യവിഷബാധയില്‍ സ്ഥിരീകരണം പോസ്റ്റ്മോര്‍ട്ടം റിപ്പോര്‍ട്ട് കിട്ടിയ ശേഷം മാത്രമേ നടത്താനാകുവെന്ന് ആശുപത്രി അധികൃതര്‍ അറിയിച്ചു. വീട്ടിലുണ്ടാക്കിയ ചെമ്മീന്‍ കറിയില്‍ നിന്നുമാണ് ഭക്ഷ്യവിഷബാധ ഉണ്ടായതെന്നാണ്  സംശയം.