രാഹുലിനും കുൽദീപിനും പകരക്കാരില്ല ; ഇന്ത്യൻ ടീം 16 അംഗ സംഘമായി തുടരും

മുംബൈ : ദക്ഷിണാഫ്രിക്കക്കെതിരായ ടി-20 പരമ്പരയിൽ നിന്ന് പരുക്കേറ്റ് പുറത്തായ കെഎൽ രാഹുലിനും കുൽദീപ് യാദവിനും പകരക്കാരെ പ്രഖ്യാപിക്കില്ലെന്ന് ബിസിസിഐ. ഇന്ത്യൻ ടീം 16 അംഗ സംഘമായി തുടരും. രാഹുൽ പുറത്തായപ്പോൾ മലയാളി താരം സഞ്ജു സാംസൺ ടീമിലെത്തുമെന്ന് പ്രതീക്ഷിക്കപ്പെട്ടിരുന്നു. എന്നാൽ ഇനി അതുണ്ടാവില്ല. ഇന്നാണ് ഇന്ത്യ-ദക്ഷിണാഫ്രിക്ക പരമ്പര ആരംഭിക്കുക. രാഹുലിന്റെ അഭാവത്തിൽ വിക്കറ്റ് കീപ്പർ ബാറ്റർ ഋഷഭ് പന്ത് ഇന്ത്യയെ നയിക്കും. ഹാർദ്ദിക് പാണ്ഡ്യ ആണ് വൈസ് ക്യാപ്റ്റൻ. രാഹുൽ പുറത്തായതിനാൽ ഇഷാൻ കിഷനും ഋതുരാജ് ഗെയ്ക്‌വാദും ചേർന്നാവും ഇന്ത്യൻ ഇന്നിംഗ്സ് ഓപ്പൺ ചെയ്യുക.