വൈ എം സി എ ചാരിറ്റി പ്രൊജക്റ്റ്‌ ഉദ്ഘാടനം നാളെ

പത്തനംതിട്ട : വൈ എം സി എയുടെ ചാരിറ്റി പ്രൊജക്റ്റ്‌ ഉദ്ഘാടനം നാളെ ( 20 ശനി ) വൈകീട്ട് 5.30 നു വൈ എം സി എ ഹാളിൽ നടക്കും. ഈ വർഷം 100 രോഗികളെ സഹായിക്കുക എന്നതാണ് പദ്ധതി. സംസ്ഥാന ആരോഗ്യ വകുപ്പ് മന്ത്രി വീണാ ജോർജ് ഉദ്‌ഘാടനം ചെയ്യും. വൈ എം സി എ പ്രസിഡന്റ്‌ ഡോ ലെബി ഫിലിപ്പ് മാത്യു അധ്യക്ഷത വഹിക്കും. ഇൻ സൈറ്റ് മിഷൻ കേരള ഡയറക്ടർ സുനിൽ ഡി കുരുവിള മുഖ്യ സന്ദേശം നൽകും. സബ് റീജിയണൽ ചെയർമാൻ അഡ്വ ബാബുജി കോശി, ഷാർജാ  വൈ എം സി എ മുൻ സെക്രട്ടറി അലക്സ്‌ വര്ഗീസ് എന്നിവർ സന്ദേശം നൽകും. പരിപാടിയിൽ എസ് എസ് എൽ സി, പ്ലസ് ടു പരീക്ഷയിൽ ഉന്നത വിജയം നേടിയവരെ ആദരിക്കും.