സ്‌കൂട്ടര്‍ യാത്രക്കാരനെ ഇടിക്കാതിരിക്കാന്‍ വെട്ടിച്ച കാര്‍ താഴ്ചയിലേയ്ക്ക് വീണ് അപകടം

റാന്നി : സ്‌കൂട്ടര്‍ യാത്രക്കാരനെ ഇടിക്കാതിരിക്കാന്‍ വെട്ടിച്ച കാര്‍ താഴ്ചയിലേയ്ക്ക് വീണ് അപകടം. ഇരുചക്രവാഹന യാത്രക്കാരനെ രക്ഷിക്കാനുള്ള ശ്രമത്തില്‍ നിയന്ത്രണം നഷ്ടപ്പെട്ട കാര്‍ കടത്തിണ്ണയിലേക്ക് ഇടിച്ചു കയറി. വെള്ളി രാവിലെ അങ്ങാടി റാന്നി പേട്ട ജങ്ഷനില്‍ ആയിരുന്നു സംഭവം. നിസാര പരുക്കേറ്റ യാത്രക്കാരെ പ്രഥമ ശുശ്രൂഷ നല്‍കി വിട്ടയച്ചു. ഇറക്കം ഇറങ്ങി വന്ന കാര്‍ കടത്തിണ്ണയുടെ പടികള്‍ക്കു മുകളിലേയ്ക്ക് ഓടിക്കയറി താഴ്ചയിലേയ്ക്ക് ഇടിച്ചു ഇറങ്ങുകയായിരുന്നു.