യുപിയിൽ വീടിന് തീപിടിച്ച് ഒരു കുടുംബത്തിലെ അഞ്ച് പേർ മരിച്ചു

ലഖ്‌നൗ : ഉത്തർപ്രദേശിലെ മൗവിലെ ഷാപൂർ ഗ്രാമത്തിൽ വീടിന് തീപിടിച്ച് ഒരു കുടുംബത്തിലെ അഞ്ച് പേർ മരിച്ചു. വിവരം അറിഞ്ഞ ഉടൻ രക്ഷാപ്രവർത്തകർ എത്തിയെങ്കിലും ഇവരുടെ ജീവൻ രക്ഷിക്കാനായില്ല. 5 പേരുടെയും മൃതദേഹം പോസ്റ്റ് മോർട്ടത്തിനായി അയച്ചു. സ്റ്റൗവ്വിൽ നിന്ന് തീ പടർന്ന് പിടിച്ചാണ് അപകടമുണ്ടായതെന്നാണ് പ്രാഥമിക റിപ്പോർട്ട്. മരിച്ചവരിൽ ഒരു സ്ത്രീയും കുട്ടികളും ഉൾപ്പെടുന്നു.