തൃശൂര്: മണ്ണുത്തി കാര്ഷിക സര്വകലാശാല ക്യാമ്പസില് രാത്രി അതിക്രമിച്ച് കയറി വിദ്യാര്ത്ഥിനികളെ ഉള്പ്പെടെ ഭീഷണിപ്പെടുത്തിയവര്ക്കെതിരെ ഉടന് നടപടി സ്വീകരിക്കണമെന്ന് കൃഷി മന്ത്രി പി പ്രസാദ്. ഇതുസംബന്ധിച്ച് പോലീസ് ഡയറക്ടര് ജനറലിന് മന്ത്രി നിര്ദേശം നല്കി. 24 ന് രാത്രിയിലാണ് അക്രമികള് ക്യാമ്പസില് അതിക്രമിച്ച് കയറിയത്. വിദ്യാര്ത്ഥിനികള് ഉള്പ്പെടെയുള്ളവരെ അസഭ്യം പറയുകയും ജീവന് ഹാനി ഉണ്ടാക്കുന്ന രീതിയില് ആക്രമിക്കുകയും ചെയ്തത് ക്യാമ്പസിലാകെ പരിഭ്രാന്തി പരത്തിയിട്ടുണ്ട്.
ഇന്നലെ രാത്രിയാണ് മണ്ണുത്തി കാര്ഷിക സര്വ്വകലാശാല ക്യാംപസ്സില് സംഭവം നടന്നത്. കോളേജ് ക്യാമ്പസില് കയറി കത്തി വീശി ഭീഷണി മുഴക്കി യുവാക്കള് ഭീകരാന്തരീക്ഷം സൃഷ്ടിച്ചത്. വിദ്യാര്ഥിനികള് ഉള്പ്പടെയുള്ളവര്ക്കു നേരെയായിരുന്നു പരാക്രമം. തോട്ടപ്പടി സ്വദേശി നൗഫലും സുഹൃത്ത് അജിതുമാണ് പരാക്രമം നടത്തിയത്.