കൊച്ചി: മഹാരാജാസ് കോളേജിന്റെ കോളജിന്റെ സ്വയംഭരണ പദവി പിന്‍വലിക്കണമെന്ന് പരാതി. സേവ് യൂണിവേഴ്‌സിറ്റി ഫോറത്തിന്റെ ആര്‍.എസ്. ശശികുമാറാണ് പരാതി നല്‍കിയത്. വ്യാജരേഖാ വിവാദത്തിന്റെ പശ്ചാത്തലത്തിലാണ് നടപടി. യുജിസിക്കും ശശികുമാര്‍ പരാതി നല്‍കി. അതേസമയം വ്യജരേഖാ കേസില്‍ കെ വിദ്യക്കെതിരെ നീലേശ്വരം പോലീസ് കേസെടുത്തു. കോളജ് അധികൃതര്‍ നല്‍കിയ പരാതിയിലാണ് നടപടി.
കരിന്തളം ഗവണ്മെന്റ് ആര്‍ട്‌സ് ആര്‍ട്‌സ് ആന്‍ഡ് സയന്‍സ് കോളജില്‍ കെ വിദ്യ ഹാജരാക്കിയ സര്‍ട്ടിഫിക്കറ്റ് വ്യാജമെന്ന് സ്ഥിരീകരിച്ചതിനെ തുടര്‍ന്നാണ് നീലേശ്വരം പോലീസ് കേസെടുത്തത്. വ്യാജ സര്‍ട്ടിഫിക്കറ്റ് കാട്ടി നിയമനം നേടിയതില്‍ കരിന്തളം ഗവണ്മെന്റ് ആര്‍ട്‌സ് ആന്‍ഡ് സയന്‍സ് കോളജ് പ്രിന്‍സിപ്പല്‍ ഇന്‍ ചാര്‍ജ് ജയ്‌സണ്‍ നല്‍കിയ പരാതിയിലാണ് ജാമ്യമില്ലാ വകുപ്പുപ്രകാരം വിദ്യക്കെതിരെ പോലീസ് കേസെടുത്തത്.
