തിരുവനന്തപുരം : വട്ടിയൂര്‍ക്കാവില്‍ വീടിന് തീപിടിച്ചു. കാഞ്ഞിരംപാറ വാര്‍ഡില്‍ ദീപുവിന്‍റെ ഉടമസ്ഥതയിലുള്ള വീടിനാണ് തീപിടിച്ചത്. ഇന്നലെ രാത്രി ഏഴരയോടാണ് സംഭവം. അഗ്നിശമന സേനയെത്തിയാണ് തീ അണച്ചത്. ഷോര്‍ട്ട് സര്‍ക്യൂട്ടാവാം അഗ്നിബാധയ്ക്ക് കാരണമെന്ന് ഫയര്‍ഫോഴ്‌സ് ഉദ്യോഗസ്ഥര്‍ പറഞ്ഞു. വീടിനകത്ത് ഉണ്ടായിരുന്ന ഫാന്‍, ഫ്രിഡ്ജ്, കട്ടില്‍, മേശ, സെറ്റി, വസ്ത്രങ്ങള്‍ എന്നിവ പൂര്‍ണ്ണമായും കത്തി നശിച്ചു. അഗ്നിശമന സേന സംഭവ സ്ഥലത്ത് കൃത്യസമയത്ത് എത്തിയത് കൊണ്ട് സ്വര്‍ണ്ണാഭരണങ്ങളും പ്രമാണങ്ങളും ഉള്‍പ്പെടെയുള്ള വിലപിടിപ്പുള്ള സാധനങ്ങള്‍ കേടുപാടുകള്‍ കൂടാതെ തിരികെ ലഭിച്ചു.
ഏകദേശം അഞ്ച് ലക്ഷം രൂപയുടെ നഷ്ട്ടം ഉണ്ടായതായി കണക്കാക്കുന്നു. വീടിനകത്ത് രണ്ട് ഗ്യാസ് സിലിണ്ടറുകള്‍ ഉണ്ടായിരുന്നു. അഗ്നിശമന സേനയെത്തി സിലിണ്ടറുകള്‍ വീടിന് പുറത്തെത്തിച്ചതിനാല്‍ വലിയ ദുരന്തമാണ് ഒഴിവായത്. അഗ്നിശമന നിലയത്തില്‍ നിന്നും അസിസ്റ്റന്റ് സ്റ്റേഷന്‍ ഓഫീസര്‍ ടി വിജയന്‍റെ നേതൃത്വത്തിലുള്ള സംഘം സ്ഥലത്തെത്തിയാണ് തീ അണച്ചത്. സേനാംഗങ്ങളായ ജി.എസ് നോബിള്‍, ജി സുമേഷ്, ശ്രീരാജ് ആര്‍ നായര്‍, ബൈജു ബി, അന്‍ഷാദ്, അനീഷ് പി, മഹേഷ് കുമാര്‍ അരുണ്‍ ആര്‍.എല്‍, ബിജിന്‍ ഐ.ജെ, ഷഫീഖ് ഇ, അനീഷ് കെ, ഹോം ഗാര്‍ഡ് ശ്യാമളകുമാര്‍ എന്നിവരടങ്ങിയ സംഘമാണ് തീ കെടുത്താന്‍ സ്ഥലത്തെത്തിയത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
