കണ്ണൂർ : കണ്ണൂര്‍ ആര്യങ്കോട് കോളനിയില്‍ യുവാവിനെ കുത്തേറ്റ്‌ മരിച്ച നിലയില്‍ കണ്ടെത്തി. ആര്യങ്കോട് കോളനിയിൽ വിഷ്ണു (26) വാണ് മരിച്ചത്. ഇടതുനെഞ്ചിലാണ് കുത്തേറ്റത്. ഇരിട്ടി താലൂക്ക് ആശുപത്രിയിൽ എത്തിക്കുമ്പോഴേക്കും മരണപ്പെടുകയായിരുന്നു. ഇരിക്കൂർ പോലീസ് സ്ഥലത്തെത്തി മൃതദേഹം പരിയാരം കണ്ണൂർ ഗവ മെഡിക്കൽ കോളേജിലേക്ക് മാറ്റി. സംഭവത്തിൽ ഇരിക്കൂർ പോലീസ് അന്വേഷണം ആരംഭിച്ചു. കൊലപാതകം നടത്തിയ ആളെ സംബന്ധിച്ച് പോലീസിന് വിവരം ലഭിച്ചു എന്നാണ് വിവരം.
