പത്തനംതിട്ട : അബാൻ മേൽപ്പാലനിര്‍മ്മാണത്തില്‍ കൂടുതൽ കാലതാമസം ഉണ്ടാകാതിരിക്കാന്‍ ഇടപെട്ട് പത്തനംതിട്ട നഗരസഭ. സർവീസ് റോഡിന് ഏറ്റെടുക്കേണ്ട ഭൂമിയിൽ ഏറിയ പങ്കും നഗരസഭയുടെ ഉടമസ്ഥതയിലുള്ളതാണ്‌. ഈ ഭൂമി നഷ്‌ടപരിഹാര തുക ലഭിക്കുന്നതിന്‌ മുമ്പ് തന്നെ മുൻകൂറായി വിട്ട്‌ നൽകും. ഭൂമി വിട്ട്‌ നൽകാനുള്ള 12 ഉടമകളുമായി നഗരസഭ ചർച്ച നടത്തി ഭൂമി ഏറ്റെടുക്കൽ നടപടി വേഗത്തിലാക്കും.
സർവീസ് റോഡ് നിർമിക്കുന്നതിന് കേരള റോഡ് ഫണ്ട് ബോർഡ് (കെആർഎഫ്‌ബി) പ്രാരംഭ ചർച്ചകൾ തുടങ്ങി. ഇതിന്‍റെ ഭാഗമായി നഗരസഭ ചെയർമാൻ അഡ്വ. ടി സക്കീർ ഹുസൈന്‍റെ നേതൃത്വത്തിൽ റോഡ് ഫണ്ട് ബോർഡ് ഉദ്യോഗസ്ഥർ സ്ഥല പരിശോധന നടത്തി. റിങ് റോഡിന്‍റെ ഇരു വശങ്ങളിലായി സർവീസ് റോഡിന് 12 ഉടമകളിൽ നിന്നാണ് സ്ഥലം ഏറ്റെടുക്കേണ്ടത്. നഷ്‌ടപരിഹാരത്തുക ലഭ്യമാകാതെ വസ്‌തു മുൻകൂറായി വിട്ടുനൽകാൻ സ്ഥലമുടമകൾ തയ്യാറല്ല. ഇവരുടെ യോഗം വിളിച്ച്‌ ഈ വിഷയത്തിൽ പരിഹാരം കാണും. ഏറ്റെടുക്കൽ നടപടിക്ക് കാലതാമസം ഒഴിവാക്കാൻ വസ്തുക്കളുടെ അഡ്വാൻസ് പൊസഷൻ നൽകാൻ ഉടമകളോട്‌ അഭ്യർഥിക്കുമെന്ന്‌ നഗരസഭ ചെയർമാൻ പറഞ്ഞു. സർവീസ് റോഡ് പൂർത്തിയാകുന്നതോടെ പൂർണ്ണ തോതിൽ ഗതാഗതം പുനഃസ്ഥാപിക്കാൻ കഴിയുമെന്നും അതിന് എല്ലാ സഹായവും നൽകുമെന്നും നഗരസഭ ചെയർമാൻ പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
