കുന്നിക്കോട് : കെ.എസ്‌.ആര്‍.ടി.സി ബസും സ്കൂട്ടറും കൂട്ടിയിടിച്ചുണ്ടായ അപകടത്തില്‍ വയോധികന്‍ മരിച്ചു. ആവണീശ്വരം നെടുവന്നൂര്‍ വലിയവിള മഹേഷ് നിലയത്തില്‍ (പോത്തടിയില്‍) രാമകൃഷ്ണ പണിക്കര്‍ (73) ആണ് മരിച്ചത്. പത്തനാപുരം – വാളകം ശബരി ബൈപാസില്‍ നെടുവന്നൂര്‍ ജംഗ്ഷന് സമീപമായിരുന്നു അപകടം. കുന്നിക്കോട് നിന്നും പത്തനാപുരത്തേക്ക് വരികയായിരുന്ന കെ.എസ്‌.ആര്‍.ടി.സി ബസും എതിര്‍ദിശയില്‍ വന്ന സ്കൂട്ടറും തമ്മില്‍ കൂട്ടിയിടിക്കുകയായിരുന്നു.
സ്കൂട്ടറിന്‍റെ ബ്രേക്ക് നഷ്ടപ്പെട്ട് ബസിലേക്ക് ഇടിക്കുകയായിരുന്നുവെന്ന് കരുതുന്നു. ഗുരുതരമായി പരിക്കേറ്റ രാമകൃഷ്ണ പണിക്കരെ ആശുപത്രിയിലേക്ക് കൊണ്ടുപോകും വഴിയാണ് മരിച്ചത്. ഭാര്യ – പരേതയായ രാധാമണിയമ്മ. മക്കള്‍ – മായ, മഞ്ജുഷ. മരുമക്കള്‍ – രാജശേഖരന്‍ ഉണ്ണിത്താന്‍, സുധീര്‍കുമാര്‍.
