വർക്കലയിലെ സംഗീതയുടെ കൊലപാതകം ; പ്രതിയുടെ അറസ്റ്റ് രേഖപ്പെടുത്തി

തിരുവനന്തപുരം : വര്‍ക്കലയില്‍ 17കാരിയെ കഴുത്തുറത്ത് കൊന്നതിന് പിന്നില്‍ പ്രണയപ്പകയെന്ന് പോലീസ്. സംഗീത പ്രണയത്തില്‍ പിന്മാറിയതിനെ തുടര്‍ന്നുണ്ടായ വൈരാഗ്യമാണ് കൊലപാതകത്തിലേക്ക് നയിച്ചതെന്നും പോലീസ് പറഞ്ഞു. ഗോപുവിന്റെ അറസ്റ്റ് രേഖപ്പെടുത്തി. പുലര്‍ച്ചെ 1.30 ഓടെയാണ് സംഗീത കൊല്ലപ്പെട്ടത്. ഗോപുവും സംഗീതയും തമ്മില്‍ മുമ്പ് പ്രണയത്തിലായിരുന്നു. വീട്ടുകാര്‍ ഇക്കാര്യം അറിഞ്ഞതോടെ അത് അവസാനിപ്പിക്കുകയും ചെയ്തിരുന്നു. ചൊവ്വാഴ്ച സഹോദരിക്കൊപ്പം ഉറങ്ങാന്‍ കിടന്ന സംഗീതയെ ഗോപു മറ്റൊരു നമ്പറില്‍ വേറെ പേരില്‍ ചാറ്റ് ചെയ്ത് രാത്രി വീടിന് പുറത്തേക്ക് വിളിച്ചിറക്കുകയായിരുന്നു.

ഹെല്‍മെറ്റ് ധരിച്ചാണ് ഗോപു സംഗീതയെ കാണാനെത്തിയത്. സംസാരത്തിനിടെ സംശയം തോന്നിയ പെണ്‍കുട്ടി ഗോപുവിനോട് ഹെല്‍മെറ്റ് മാറ്റാന്‍ ആവശ്യപ്പെട്ടു. അതോടെ ഗോപു കയ്യില്‍ കരുതിയിരുന്ന കത്തികൊണ്ട് സംഗീതയെ ആക്രമിക്കുകയായിരുന്നു. സംഗീതയുടെ കഴുത്തിനാണ് വെട്ടേറ്റത്. ഉടന്‍ തന്നെ ഗോപു സമീപത്തായി പാര്‍ക്ക് ചെയ്തിരുന്ന വാഹനത്തില്‍ കയറി വീട്ടില്‍പോയി.

കഴുത്തിന് മുറിവേറ്റ സംഗീത പേടിച്ച് വീട്ടിലേക്ക് ഓടി വാതിലില്‍ മുട്ടി അച്ഛനേയും അമ്മയേയും വിളിക്കുകയായിരുന്നു. ഇവര്‍ ഉടന്‍ തന്നെ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു. രക്തത്തില്‍ കുളിച്ച നിലയില്‍ ആണ് സംഗീത വാതിലില്‍ മുട്ടിയതെന്ന് അച്ഛന്‍ സജീവ് പോലീസിന് മൊഴി നല്‍കിയിട്ടുണ്ട്.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 94473 66263 /0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033