പത്തനംതിട്ട : ബഫര്‍ സോണ്‍ സംബന്ധിച്ച് സംസ്ഥാന സര്‍ക്കാര്‍ നിര്‍ദേശിച്ച വിവരശേഖരണത്തിനായി വകുപ്പുകളുടെ സംയുക്ത ഫീല്‍ഡ് പരിശോധന ജനുവരി ഏഴിനു മുന്‍പ് പൂര്‍ത്തിയാക്കണമെന്ന് അഡ്വ.പ്രമോദ് നാരായണ്‍ എംഎല്‍എ പറഞ്ഞു. ജനവാസ കേന്ദ്രങ്ങളുടെയും കൃഷിയിടങ്ങളുടേയും വിശദാംശങ്ങൾ കണ്ടെത്തുന്നതിനായി നടത്തുന്ന വിവരശേഖരണ പ്രവർത്തനങ്ങൾ വിലയിരുത്തുന്നതിനും തുടര്‍ പ്രവര്‍ത്തനങ്ങള്‍ ആലോചിക്കുന്നതിനും എംഎല്‍എയുടെ അധ്യക്ഷതയില്‍ പമ്പാവാലി മാര്‍ത്തോമാ പാരിഷ് ഹാളില്‍ വിളിച്ചു ചേര്‍ത്ത പെരുനാട് പഞ്ചായത്തിലെ 6, 7, 8, 9 വാര്‍ഡ് ജനപ്രതിനിധികളുടെയും ബന്ധപ്പെട്ട വകുപ്പ് ഉദ്യോഗസ്ഥരുടെയും രാഷ്ട്രീയപാര്‍ട്ടി നേതാക്കളുടെയും കര്‍ഷക സംഘടന നേതാക്കളുടെയും യോഗത്തില്‍ സംസാരിക്കുകയായിരുന്നു അദ്ദേഹം.
സുപ്രീം കോടതിയുടെ നിര്‍ദേശപ്രകാരമാണ് ഇപ്പോള്‍ ഉപഗ്രഹ സര്‍വേ നടത്തിയിട്ടുള്ളത്. കേരളാ സ്റ്റേറ്റ് റിമോട്ട് സെന്‍സിംഗ് ആൻഡ് എൻവയോൺമെൻ്റ് സെൻ്റർ തയ്യാറാക്കിയ അസറ്റ് മാപ്പർ എന്ന മൊബൈല്‍ ആപ്ലിക്കേഷന്‍ ഉപയോഗിച്ചാണ് ഫീല്‍ഡ് പരിശോധന നടത്തുന്നത്. മൊബൈല്‍ ഫോണ്‍ ഉപയോഗിച്ചുള്ള പരിശോധനയോടൊപ്പം നേരിട്ട് വിദ്യാലയങ്ങൾ, കെട്ടിടങ്ങള്‍, ആരാധനാലയങ്ങള്‍, ആശുപത്രികള്‍, വീടുകൾ, തുടങ്ങിയ എല്ലാ നിര്‍മിതികളുടേയും കൃഷിയിടങ്ങളുടേയും കൃത്യമായ വിവരശേഖരണം നടത്തേണ്ടതുണ്ട്. വിവരശേഖരണത്തില്‍ സാങ്കേതിക പരിജ്ഞാനം കുറവുള്ള പൊതുജനങ്ങള്‍ക്ക് എല്ലാ വിവരങ്ങളും നല്‍കി പ്രക്രിയ കുറ്റമറ്റതാക്കാന്‍ ഉദ്യോഗസ്ഥര്‍ ശ്രദ്ധിക്കണം. ഇതിനായി വാര്‍ഡ് അംഗങ്ങളുടെ നേതൃത്വത്തില്‍ പ്രത്യേക ഉപസമിതികള്‍ രൂപീകരിച്ച് പ്രവര്‍ത്തനം നടത്തണം. തുടര്‍ന്ന് പ്രവര്‍ത്തനങ്ങള്‍ എംഎല്‍എ തലത്തില്‍ വിലയിരുത്തുമെന്നും അദ്ദേഹം പറഞ്ഞു.
റാന്നി പെരുന്നാട് ഗ്രാമപഞ്ചായത്ത് പ്രസിഡന്റ് പി.എസ്. മോഹനന്‍, പെരിയാര്‍ വെസ്റ്റ് ഡിവിഷന്‍ ഡെപ്യൂട്ടി ഡയറക്ടര്‍ ഹരികൃഷ്ണന്‍, റാന്നി ഡിഎഫ്ഒ ജയകുമാര്‍ ശര്‍മ്മ, റെയ്ഞ്ച് ഓഫീസര്‍മാരായ അജിത് കുമാര്‍, ജ്യോതിഷ്, വാര്‍ഡ് അംഗങ്ങളായ സിബി അഴകത്ത്, റിന്‍സി ബൈജു, മഞ്ജു പ്രമോദ്, ശ്യാം മോഹന്‍, രാഷ്ട്രീയ കക്ഷിനേതാക്കള്‍, സംഘടനാ പ്രതിനിധികള്‍, പൊതുജനങ്ങള്‍ തുടങ്ങിയവര്‍ പങ്കെടുത്തു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
