മാസ്‌കും ശാരീരിക അകലവും നിര്‍ബന്ധം : പുതിയ മാര്‍ഗനിര്‍ദ്ദേശങ്ങളുമായി എയര്‍ഇന്ത്യ

ഡല്‍ഹി: വിവിധ രാജ്യങ്ങളില്‍ കോവിഡ് വ്യാപിക്കുന്ന സാഹചര്യത്തില്‍ പുതിയ മാര്‍ഗനിര്‍ദ്ദേശങ്ങളുമായി എയര്‍ഇന്ത്യ. യുഎഇയില്‍ നിന്ന് വരുന്ന എല്ലാവരും പൂര്‍ണ്ണമായും പ്രതിരോധ കുത്തിവെയ്പ് എടുത്തിരിക്കണം. മാസ്‌കുകളുടെ ഉപയോഗം, ശാരീരിക അകലം എന്നിവ നിര്‍ബന്ധമാണെന്ന് എയര്‍ ഇന്ത്യ ട്വീറ്റില്‍ പറയുന്നു. 12 വയസ്സിന് താഴെയുള്ള കുട്ടികള്‍ക്ക് എത്തിയതിന് ശേഷമുള്ള റാന്‍ഡം ടെസ്റ്റിംഗ് ആവശ്യമില്ലെന്നും മാര്‍ഗ്ഗനിര്‍ദ്ദേശങ്ങളില്‍ പറയുന്നു. കുട്ടികള്‍ എത്തിച്ചേരുമ്പോഴോ സ്വയം നിരീക്ഷണ സമയത്തോ കൊവിഡുമായി ബന്ധപ്പെട്ട ലക്ഷണങ്ങള്‍ ഉണ്ടെങ്കില്‍ മാത്രമേ പ്രോട്ടോക്കോള്‍ അനുസരിച്ച് പരിശോധനയ്ക്ക് വിധേയരാകേണ്ടതുള്ളൂ. യുഎഇയില്‍ നിന്ന് വരുന്ന യാത്രക്കാര്‍ക്കുള്ള നിര്‍ദ്ദേശങ്ങള്‍ എയര്‍ ഇന്ത്യ എക്‌സ്പ്രസ് ട്വീറ്റില്‍ പങ്കുവെച്ചിട്ടുണ്ട്.

അടുത്തിടെ അന്താരാഷ്ട്ര യാത്രക്കാര്‍ക്കായി വിമാനത്താവളങ്ങളില്‍ കേന്ദ്ര സര്‍ക്കാര്‍ കോവിഡ് പരിശോധന നിര്‍ബന്ധമാക്കിയിരുന്നു. രണ്ട് ശതമാനം യാത്രക്കാരെയാണ് റാന്‍ഡം പരിശോധനയ്ക്ക് വിധേയരാക്കുന്നത്. കൂടാതെ ചൈന, ജപ്പാന്‍, ദക്ഷിണ കൊറിയ, ഹോങ്കോംഗ്, തായ്ലന്‍ഡ് എന്നിവിടങ്ങളില്‍ നിന്ന് വരുന്ന അന്താരാഷ്ട്ര യാത്രക്കാര്‍ക്ക് ഇപ്പോള്‍ ആര്‍ടി-പിസിആര്‍ ടെസ്റ്റുകള്‍ നിര്‍ബന്ധമാണ്.

ഈ രാജ്യങ്ങളില്‍ നിന്നുള്ള ഏതെങ്കിലും യാത്രക്കാരന്‍ രോഗലക്ഷണങ്ങള്‍ കാണിക്കുകയോ കൊവിഡ് പോസിറ്റീവ് ആണെന്ന് കണ്ടെത്തുകയോ ചെയ്താല്‍ അവരെ ക്വാറന്റൈനില്‍ ആക്കും. ഈ രാജ്യങ്ങളില്‍ നിന്ന് എത്തുന്ന അന്താരാഷ്ട്ര യാത്രക്കാര്‍ക്കും നിലവിലെ ആരോഗ്യ സ്ഥിതി കാണിക്കുന്ന എയര്‍ സുവിധ ഫോമുകള്‍ നിര്‍ബന്ധമാണ്.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 94473 66263 /0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033