ന്യൂഡൽഹി : ജമ്മു കശ്മീർ, ബംഗ്ലാദേശ്, മ്യാൻമർ എന്നിവിടങ്ങളിലേക്ക് തങ്ങളുടെ ഭീകര പ്രവർത്തനം വ്യാപിപ്പിക്കുന്നതിന് അൽ-ഖ്വയ്ദ പ്രാദേശിക സംഘങ്ങൾ രൂപീകരിക്കുന്നതായി ഐക്യരാഷ്‌ട്രസഭയുടെ(യുഎൻ) റിപ്പോർട്ട്. യുഎൻ സെക്യൂരിറ്റി കൗൺസിലിന്റെ അനലിറ്റിക്കൽ സപ്പോർട്ട് ആൻഡ് സാങ്ഷൻസ് മോണിറ്ററിംഗ് ടീമിന്റെ 32-ാമത് റിപ്പോർട്ടാണ് ഇക്കാര്യം ചൂണ്ടിക്കാണിച്ചത്. അൽ-ഖ്വയ്ദ എക്യുഐഎസ് (അൽ-ഖ്വയ്ദ ഇന്‍ ഇന്ത്യൻ സബ് കോണ്ടിനെന്റ്) രൂപീകരിക്കുകയാണ്. ജമ്മു കശ്മീരിലേക്കും മ്യാൻമറിലേക്കും അയൽരാജ്യമായ ബംഗ്ലാദേശിലേക്കും അതിന്റെ പ്രവർത്തനങ്ങൾ വ്യാപിപ്പിക്കാനുളള ശ്രമത്തിലാണെന്നും ഒരു അംഗ രാജ്യം വിലയിരുത്തിയതായി റിപ്പോർട്ടിൽ പറയുന്നു. അഫ്ഗാനിസ്ഥാനിൽ അൽ-ഖ്വയ്ദയ്‌ക്ക് ഏകദേശം 400-ലധികം ഭീകര പ്രവർത്തകരുണ്ട്. ഇന്ത്യൻ ഉപഭൂഖണ്ഡത്തിൽ ഇവർക്കായി പ്രവർത്തിക്കാൻ 200ലധികം ആളുകളുണ്ടെന്നും റിപ്പോർട്ടിൽ ചൂണ്ടിക്കാട്ടുന്നു.
ഐമാൻ അൽ സവാഹിരിയുടെ പിൻഗാമിയായി അൽ ഖ്വയ്ദ തലവനായി സെയ്ഫ് അൽ അദ്‌ലിനെ ചില അംഗരാജ്യങ്ങൾ തീരുമാനിച്ചതായും ഇപ്പോഴും ഇറാനിൽ ഉണ്ടെന്നും റിപ്പോർട്ടിൽ പറയുന്നു. ഇയാൾ ഇറാനിൽ ഒളിവിൽ കഴിയുന്നുണ്ടെന്നും റിപ്പോർട്ടിലുണ്ട്. ചില പ്രാദേശിക സംഘങ്ങൾ ഇസ്ലാമിക് സ്റ്റേറ്റ് ഓഫ് ഇറാഖ് ആൻഡ് ലെവന്റ്-ഖൊറാസാനുമായി സഹകരിച്ച് പ്രവർത്തിക്കാൻ ഒരുങ്ങുന്നതായും റിപ്പോർട്ടിൽ സൂചിപ്പിക്കുന്നു. താലിബാനും അൽ-ഖ്വയ്ദയും തമ്മിൽ അടുത്ത ബന്ധമുണ്ടെന്നും അൽ-ഖ്വയ്ദ അഫ്ഗാനിസ്ഥാനിൽ രഹസ്യമായി പ്രവർത്തിക്കുന്നുവെന്നും റിപ്പോർട്ട് പറയുന്നു. നിലവിൽ അഫ്ഗാനിസ്ഥാനിൽ ഏകദേശം 20 തീവ്രവാദ ഗ്രൂപ്പുകൾ പ്രവർത്തിക്കുന്നുണ്ടെന്നും യുഎൻ റിപ്പോർട്ടിൽ ചൂണ്ടിക്കാട്ടുന്നുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
