പണം ഇരട്ടിയാക്കാം ; എസ്ബിഐയുടെ ‘വി കെയർ’ എഫ്ഡി സ്കീമിനെക്കുറിച്ച് അറിയേണ്ടതെല്ലാം

സ്വകാര്യ ബാങ്കുകളെയോ ചെറുകിട ധനകാര്യ സ്ഥാപനങ്ങളെയോ അപേക്ഷിച്ച് പൊതുമേഖല ബാങ്കുകളിൽ നിന്നും ഫിക്സഡ് ഡിപ്പോസിറ്റുകൾക്ക് (എഫ്ഡി) ലഭിക്കുന്ന പലിശ നിരക്ക് കുറവാണെന്ന് പൊതുവേ ഒരു ധാരണയുണ്ട്. എന്നാൽ പൊതുമേഖലാ ബാങ്കുകൾ ഇപ്പോൾ ഫിക്സഡ് ഡിപ്പോസിറ്റുകൾക്ക് മെച്ചപ്പെട്ട റിട്ടേണുകൾ വാഗ്ദാനം ചെയ്യുന്നതിനാൽ ഈ ധാരണ മാറിവരുന്നുണ്ട്. രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) മുതിർന്ന പൗരന്മാർക്കായി അവതരിപ്പിച്ച ‘വി കെയർ’ എഫ്ഡി സ്കീം ഇതിന് ഒരു ഉദാഹരണമാണ്.

ഈ എഫ്ഡി സ്കീമിൽ നിക്ഷേപിക്കുന്നതു വഴി പണം ഇരട്ടിയാക്കാം. കോവിഡ് സമയത്താണ് മുതിർന്ന പൗരന്മാർക്കായി ഈ സ്കീം അവതരിപ്പിച്ചത്. മുതിർന്ന പൗരന്മാർക്ക് ഈ സ്കീമിൽ നിക്ഷേപിക്കാനുള്ള സമയപരിധി 2023 സെപ്തംബർ 30 വരെ നീട്ടിയിട്ടുണ്ട്. വി കെയർ എഫ്ഡി സ്കീമിന്റെ നേട്ടങ്ങളാണ് താഴെ പറയുന്നത്. വി കെയർ എഫ്ഡി സ്കീം വഴി മുതിർന്ന പൗരന്മാർക്ക് 0.50 ശതമാനം അധിക പലിശ നിരക്കാണ് വാ​ഗ്ദാനം ചെയ്യുന്നത്. 5 വർഷം മുതൽ 10 വർഷം വരെ കാലാവധിയുള്ള ഫിക്സഡ് ഡിപ്പോസിറ്റുകൾക്ക് (എഫ്ഡി) 7.50 ശതമാനം പലിശ നിരക്കാണ് ഈ സ്കീം വഴി ലഭിക്കുന്നത്. നെറ്റ് ബാങ്കിംഗ് വഴിയോ, യോനോ ആപ്പിലൂടെയോ അല്ലെങ്കിൽ സമീപത്തുള്ള എസ്ബിഐ ശാഖ സന്ദർശിച്ചോ നിങ്ങൾക്ക് ഈ സ്കീമിന് കീഴിൽ ഒരു എഫ്ഡി ആരംഭിക്കാവുന്നതാണ്.

വി കെയർ എഫ്ഡി സ്കീമിന്റെ പലിശ പ്രതിമാസ, ത്രൈമാസ, അർദ്ധ വാർഷിക അല്ലെങ്കിൽ വാർഷിക അടിസ്ഥാനത്തിൽ ആയിരിക്കും ലഭിക്കുക. നികുതി കുറച്ചതിന് ശേഷം ആയിരിക്കും ഈ എഫ്ഡിയുടെ പലിശ ലഭിക്കുക എന്ന കാര്യം പ്രത്യേകം ഓർമിക്കണം. സാധാരണ സ്ഥിര നിക്ഷേപങ്ങൾക്ക് 7 ദിവസം മുതൽ 10 വർഷം വരെയുള്ള കാലയളവിലെ പലിശ നിരക്ക് 3.50 ശതമാനം മുതൽ 7.50 ശതമാനം വരെയാണ്. ഈ എഫ്ഡി സ്കീമിൽ നിക്ഷേപിക്കുന്നത് വഴി 10 വർഷത്തിനുള്ളിൽ നിങ്ങളുടെ പണം ഇരട്ടിയാകും.

ഉദാഹരണത്തിന് നിങ്ങൾ 5 ലക്ഷം രൂപ നിക്ഷേപിച്ചാൽ 10 വർഷത്തിനു ശേഷം നിങ്ങൾക്ക് 10 ലക്ഷത്തിലധികം രൂപ ലഭിക്കും. അതായത് 10 വർഷത്തിനുള്ളിൽ നിങ്ങൾക്ക് 5 ലക്ഷം രൂപ പലിശയിനത്തിൽ ലഭിക്കും. 10 വർഷത്തെ കാലാവധിയുള്ള സാധാരണ എഫ്ഡികൾക്ക് ബാങ്കുകൾ 6.5 ശതമാനം പലിശ നിരക്കാണ് വാഗ്ദാനം ചെയ്യുന്നത്. മുതിർന്ന പൗരന്മാർക്കും മറ്റ് ഉപഭോക്താക്കൾക്കും ഉയർന്ന പലിശ നിരക്ക് നൽകുന്ന അമൃത് കലാഷ് സ്‌പെഷ്യൽ എഫ്‌ഡി സ്‌കീമിന്റെ കാലാവധിയും എസ്‌ബിഐ നീട്ടിയിട്ടുണ്ട്.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033