പത്തനംതിട്ട : പൂർവവിദ്യാർത്ഥി സംഘടനകൾ വിദ്യാർത്ഥികളുടെ പാഠനപ്രവർത്തനങ്ങൾക്കു പ്രോത്സാഹനം നൽകുന്നതാകണമെന്ന് സംസ്ഥാന മനുഷ്യാവകാശ കമ്മീഷൻ പോലീസ് സൂപ്രണ്ട് ബിജോ അലക്സാണ്ടർ പറഞ്ഞു. അദ്ദേഹം കൂടി അംഗമായ പത്തനംതിട്ട മാർത്തോമ്മ ഹയർ സെക്കണ്ടറി സ്കൂൾ 1984 എസ്.എസ്.എൽ.സി ബാച്ച് പൂർവവിദ്യാർത്ഥി സംഘടനയുടെ അഭിമുഖ്യത്തിൽ വിദ്യാർത്ഥികൾക്കുള്ള പുസ്തകവിതരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. അമേരിക്കയിലുള്ള ഷിബു എം. ബേബിയാണ് കുട്ടികൾക്കായി 25000 രൂപയ്ക്കുള്ള പുസ്തകങ്ങൾ സ്പോൺസർ ചെയ്തത്. എം.എം. ജോസഫ് മേക്കൊഴൂർ രചിച്ച ദിനവിജ്ഞാനകോശം എന്ന പുസ്തകത്തിൻ്റെ കോപ്പികളാണ് വിതരണം ചെയ്തത്. അഡ്വ. റോയി തോമസ് അധ്യക്ഷത വഹിച്ചു. റവ. വർഗീസ് മാത്യു പുസ്തക വിതരണം നിർവഹിച്ചു. ഗ്രന്ഥകാരൻ എം.എം. ജോസഫ് ദിനവിജ്ഞാനകോശത്തെ കുട്ടികൾക്കു പരിചയപ്പെടുത്തി. പ്രിൻസിപ്പൽ ജിജി മാത്യു സഖറിയ, പൂർവവിദ്യാർത്ഥികളായ സാനു സി.കെ, പ്രേം ചെറിയാൻ, എസ്. അഫ്സൽ എന്നിവർ പ്രസംഗിച്ചു. ഔദ്യോഗിക ജീവിതത്തിൽ നിന്നും വിരമിക്കുന്ന എസ്.പി. ബിജോ അലക്സാണ്ടറിനു സ്റ്റാഫ് പ്രതിനിധി സുനു മാത്യു യാത്രാമംഗളങ്ങൾ ആശംസിച്ചു.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
