തിരുവല്ല: അപ്പര്‍കുട്ടനാട്ടില്‍ മരണപ്പെട്ട ദളിത് വിഭാഗത്തില്‍പെട്ട വൃദ്ധന് പൊതുനിരത്തിലെ പാലത്തില്‍ അന്ത്യവിശ്രമം. വേങ്ങല്‍ ചക്കുളത്തുകാവില്‍ വീട്ടില്‍ പിസി കുഞ്ഞുമോന്റെ (72) സംസ്‌കാരമാണ് സമീപത്തെ അയ്യനാവേലി പാലത്തില്‍ നടത്തേണ്ടിവന്നത്. ഇദ്ദേഹത്തിന്റെ വീടിന് ചുറ്റും വലിയ വെള്ളക്കെട്ടാണ്. തിരുവല്ലയിലടക്കമുള്ള പൊതുശ്മശാനങ്ങള്‍ ഒരുവര്‍ഷമായി പ്രവര്‍ത്തന രഹിതമായതോടെയാണ് സംസ്‌കാരചടങ്ങുകള്‍ പാലത്തില്‍ നടത്തേണ്ടിവന്നത്.
സമീപ സ്ഥലങ്ങളിലും ഇതിന് സൗകര്യം ഒരുക്കാന്‍ അധികൃതര്‍ക്ക് സാധിച്ചില്ല. മൂന്ന് ദിവസം മുന്‍പാണ് പിസി കുഞ്ഞുമോന്‍ മരിച്ചത്. കനത്തമഴയെ തുടര്‍ന്ന് വീടിന് ചുറ്റും വെള്ളപ്പൊക്കമുണ്ടായതോടെ ചടങ്ങുകള്‍ മാറ്റുകയായിരുന്നു. എന്നാല്‍ മൂന്ന് ദിവസം കഴിഞ്ഞിട്ടും വെള്ളപ്പൊക്ക ദുരിതം തുടര്‍ന്ന സാഹചര്യത്തിലാണ് സംസ്‌കാരത്തിന് മറ്റ് വഴികള്‍ ആലോചിച്ചത്.
എന്നാല്‍ പലയിടത്തും അന്വേഷിച്ചെങ്കിലും ഫലമുണ്ടായില്ല. ഇതോടെയാണ് മരിച്ച വ്യക്തിയുടെ സംസ്‌കാര ചടങ്ങുകള്‍ പാലത്തിന് മുകളില്‍ നടത്തിയത്. കഴിഞ്ഞ മൂന്നു ദിവസമായി മൃതദേഹം മോര്‍ച്ചറിയില്‍ സൂക്ഷിച്ചിരിക്കുകയായിരുന്നു. എന്നാല്‍ മൂന്ന് ദിവസം കഴിഞ്ഞിട്ടും കുഞ്ഞുമോന്റെ വീട് സ്ഥിതി ചെയ്യുന്ന പ്രദേശത്ത് അടക്കമുള്ള വെള്ളക്കെട്ട് നീങ്ങിയിരുന്നില്ല. ഈ സാഹചര്യത്തിലാണ് പാലത്തില്‍ വെച്ച് ചടങ്ങുകള്‍ നടത്തുവാന്‍ ബന്ധുക്കളും നാട്ടുകാരും തീരുമാനിച്ചത്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
