ഗോദാവരി: അഞ്ചുവയസുകാരിയെ തട്ടിക്കൊണ്ടുപോയി പീഡനത്തിനിരയാക്കിയ സംഭവത്തില്‍ യുവാവ് അറസ്റ്റില്‍. ആന്ധ്രാപ്രദേശ് മുതനഗര്‍ കാക്കിനട സ്വദേശിയായ 29 വയസുള്ള പ്രഭുവാണ് അറസ്റ്റിലായത്. ഈസ്റ്റ് ഗോദാവരി ജില്ലയില്‍ കഴിഞ്ഞ നവംബര്‍ 25നാണ് കേസിനാസ്പദമായ സംഭവം നടന്നത്.
വീടിനുള്ളില്‍ ഉറങ്ങിക്കിടക്കുകയായിരുന്ന കുട്ടിയെ യുവാവ് തട്ടിക്കൊണ്ടുപോകുകയായിരുന്നു. അടുത്തുള്ള ശ്മശാനത്തിലെത്തിച്ച്‌ പീഡനത്തിനിരയാക്കിയ ശേഷം അഞ്ചുവയസുകാരിയെ അവിടെ തന്നെ ഉപേക്ഷിച്ച്‌ കടന്നു കളയുകയായിരുന്നു.
വീട്ടുകാര്‍ നടത്തിയ തിരച്ചിലിലാണ് ഗുരുതരമായി പരിക്കേറ്റ നിലയില്‍ പെണ്‍കുട്ടിയെ കണ്ടെത്തിയത്. കുട്ടിയുടെ മുത്തശ്ശിയുടെ മൊബൈല്‍ ഫോണും പ്രതി മോഷ്ടിച്ചിരുന്നു. തുടര്‍ന്ന് പോലീസിനെ വിവരമറിയിക്കുകയായിരുന്നു. സംഭവത്തിന്‌ ശേഷം പ്രതിഒളിവില്‍ കഴിയുകയായിരുന്നു. പോലീസിന് കിട്ടിയ രഹസ്യ വിവരത്തിന്‍റെ അടിസ്ഥാനത്തിലായിരുന്നു അറസ്റ്റ്.
