കോഴഞ്ചേരി : കേരളത്തിന്റെ നവോത്ഥാന ചരിത്രം മാറ്റിമറിക്കാൻ കൂടൽമാണിക്യ ക്ഷേത്ര തന്ത്രിയെ അനുവദിക്കില്ലെന്ന് എസ്.എൻ.ഡി.പി യോഗം കോഴഞ്ചേരി യൂണിയൻ പ്രസിഡന്റ് മോഹൻബാബു പറഞ്ഞു. കൂടൽമാണിക്യ ക്ഷേത്രത്തിൽ ദേവസ്വം ബോർഡ് കഴകമായി നിയമിച്ച ബാലുവിനോട് കാട്ടിയ അനീതിക്കെതിരെ കോഴഞ്ചേരി എസ്.എൻ.ഡി.പി യൂണിയൻ ഹാളിൽ കൂടിയ അടിയന്തിര യൂണിയൻ കൗൺസിൽ യോഗത്തിൽ സംസാരിക്കുകയായിരുന്നു അദ്ദേഹം. കേരളത്തിൽ നിലനിന്നിരുന്ന ജാതി വ്യവസ്ഥയ്ക്ക് എതിരെ പോരാട്ടത്തിലൂടെ ക്ഷേത്രപ്രവേശനവിളംബരവും വൈക്കം സത്യഗ്രഹത്തിലൂടെ വഴിനടക്കാനുള്ള സ്വാതന്ത്ര്യവും നേടിയെടുത്തതോടൊപ്പം നവോത്ഥാന ചരിത്ര ഏടുകളിൽ മഹത്തായ പങ്ക് വഹിച്ച ഈഴവ സമൂഹം ചരിത്ര സമരങ്ങളിലൂടെയാണ് ഈ അവകാശങ്ങൾ നേടിയെടുത്തത്. അത് മാറ്റിമറിക്കാനുള്ള വർഗീയ തിമിരം ബാധിച്ച വരേണ്യ വർഗത്തിന്റെ ഗൂഢലക്ഷ്യം ചെറുത്തു തോൽപിക്കേണ്ടതാണ്. യോഗത്തിൽ വൈസ് പ്രസിഡന്റ് വിജയൻ കാക്കനാട്ടിൽ, കൗൺസിലർമാരായ അഡ്വ.സോണി.പി.ഭാസ്‌കർ,രാജൻ കുഴിക്കാല, പ്രേംകുമാർ മുളമൂട്ടിൽ ,സുഗതൻ പൂവത്തൂർ, സിനു.എസ്.പണിക്കർ എന്നിവർ സംസാരിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
