ഇറ്റാനഗര് : അരുണാചല്പ്രദേശില് സൈനിക ഹെലികോപ്റ്റർ തകർന്നുവീണു. അപ്പർ സിയാംഗ് ജില്ലയിലെ സിഗ്ഗിങ് ഗ്രാമത്തിലെ വനമേഖലയിലാണ് ഹെലികോപ്റ്റർ തകർന്നുവീണത്. രാവിലെ പത്തേ മുക്കാലോടെയാണ് അപകടമുണ്ടായതെന്നും രക്ഷാപ്രവർത്തനം തുടങ്ങിയെന്നും സൈന്യം അറിയിച്ചു. മോശം കാലാവസ്ഥയാണ് അപകടകാരണമെന്നാണ് പ്രാഥമിക നിഗനമനം. രക്ഷാപ്രവർത്തനം പുരോഗമിക്കുകയാണെന്ന് അരുണാചല്പ്രദേശ് പോലീസ് അറിയിച്ചു.
