കാസര്‍കോട്: മഞ്ചേശ്വരത്ത് റോഡില്‍ നിന്ന മദ്രസ വിദ്യാര്‍ഥിനിയെ എടുത്തെറിഞ്ഞു. മദ്രസ പഠനം കഴിഞ്ഞ് വീട്ടിലേക്ക് പോകാനായി മറ്റൊരു കുട്ടിക്കൊപ്പം റോഡില്‍ നില്‍ക്കുകയായിരുന്ന വിദ്യാര്‍ഥിനിയെ ആണ് കുഞ്ചത്തൂര്‍ സ്വദേശി അബൂബക്കര്‍ സിദ്ദിഖ് പ്രകോപനമില്ലാതെ എടുത്തുയര്‍ത്തി നിലത്തിട്ടത്. വിദ്യാര്‍ഥിനിയുടെ മാതാപിതാക്കളുടെ പരാതിയില്‍ മഞ്ചേശ്വരം പോലീസ് ഇയാളെ കസ്റ്റഡിയിലെടുത്ത് ചോദ്യം ചെയ്യുകയാണ്.
മാതാപിതാക്കള്‍ ചൈല്‍ഡ് ലൈനിലും പരാതി നല്‍കി. വിദ്യാര്‍ഥിനിയെ ആശുപത്രിയില്‍ പ്രവേശിപ്പിച്ചു. വിദ്യാര്‍ഥിനിയുടെ അയല്‍വാസിയാണ് അബൂബക്കര്‍. സംഭവത്തിന്റെ സിസിടിവി ദൃശ്യങ്ങള്‍ പുറത്തുവന്നു. സംഭവത്തില്‍ ഇടപെട്ട ബാലാവകാശ കമ്മീഷന്‍ കര്‍ശന നടപടിയെടുക്കാന്‍ മഞ്ചേശ്വരം പോലീസിന് നിര്‍ദേശം നല്‍കി.
