ബ​ന്ധു​വി​നെ തോ​ക്ക് ഉ​പ​യോ​ഗി​ച്ച് വ​ധി​ക്കാ​ൻ ശ്ര​മം ; യുവാവ് അറസ്റ്റിൽ

ചു​ങ്ക​പ്പാ​റ: ബ​ന്ധു​വി​നെ തോ​ക്ക് ഉ​പ​യോ​ഗി​ച്ച് വ​ധി​ക്കാ​ൻ ശ്ര​മി​ച്ച കേസിൽ യു​വാ​വ് അ​റ​സ്റ്റിൽ. ചു​ങ്ക​പ്പാ​റ മ​ണ്ണി​ൽ​പ​ടി മ​ണ്ണി​ൽ പു​ത്ത​ൻ​വീ​ട്ടി​ൽ റോ​ബി​ൻ കോ​ശി(42)​യാ​ണ് അറസ്റ്റ് ചെയ്തത്. പെ​രു​മ്പെ​ട്ടി പോ​ലീ​സാണ് പ്രതിയെ പി​ടി​കൂടി​യ​ത്. ഞാ​യ​റാ​ഴ്ച രാ​ത്രിയാണ് കേസിനാസ്പദമായ സംഭവം. ബ​ന്ധു​വാ​യ കോ​ശി തോ​മ​സി​നെ കാ​റി​ൽ പി​ന്തു​ട​ർ​ന്ന് ത​ട​ഞ്ഞു നി​ർ​ത്തി അ​സ​ഭ്യം പ​റ​യു​ക​യും നാ​ട​ൻ തോ​ക്ക് ഉ​പ​യോ​ഗി​ച്ച് ഭീ​ഷ​ണി​പ്പെ​ടു​ത്തു​ക​യും വെ​ടി​വ​യ്ക്കു​ക​യു​മാ​യി​രു​ന്നു. വെ​ടി​യൊ​ച്ച കേ​ട്ട് ഓ​ടി​ക്കൂ​ടിയ നാ​ട്ടു​കാ​ർ ആണ് പോ​ലീ​സി​നെ വി​വ​രം അ​റി​യി​ച്ചത്.

സ്ഥലത്തെത്തിയ പെ​രു​മ്പെ​ട്ടി പോലീ​സ് ഇ​ൻ​സ്പെ​ക്ട​ർ എം.​ആ​ർ. സു​രേ​ഷ്, സി​വി​ൽ പോലീ​സ് ഓ​ഫീ​സ​ർ​മാ​രാ​യ സോ​ണി​മോ​ൻ ജോ​സ​ഫ്, വി​ജ​യ​ൻ, രാം ​പ്ര​കാ​ശ് എ​ന്നി​വ​ർ സ​മീ​പ​സ്ഥ​ല​ങ്ങ​ളി​ൽ വി​ശ​ദ​മാ​യ പ​രി​ശോ​ധ​ന ന​ട​ത്തി തോ​ക്ക് ക​ണ്ടെ​ടു​ക്കു​ക​യും ചെ​യ്തു. ലൈ​സ​ൻ​സ് ഇ​ല്ലാ​ത്ത നാ​ട​ൻ തോ​ക്കാ​ണെ​ന്ന് പ​രി​ശോ​ധ​ന​യി​ൽ ബോ​ധ്യ​പ്പെ​ട്ടു. തു​ട​ർ​ന്ന്, റോ​ബി​നെ പോലീ​സ് ക​സ്റ്റ​ഡി​യി​ലെ​ടു​ക്കു​ക​യും ആ​റ് തി​ര​ക​ൾ വീ​ട്ടി​ൽ നി​ന്ന് ക​ണ്ടെ​ടു​ക്കു​ക​യും ചെ​യ്തു. ഫോ​റ​ൻ​സി​ക് ടീ​മി​ന്‍റെ സ​ഹാ​യ​ത്തോ​ടെ തെ​ളി​വ് ശേ​ഖ​രി​ക്കു​ക​യും, വീ​ട്ടി​ൽ കൂ​ടു​ത​ൽ പ​രി​ശോ​ധ​ന ന​ട​ത്തു​ക​യും ചെ​യ്തു. ചോ​ദ്യം ചെ​യ്യ​ലി​നു​ശേ​ഷം ഇ​യാ​ളെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.