കൊല്ലം : എംഡിഎംഎയുമായി കാറിൽ സഞ്ചരിച്ച യുവാവിനെ പിടികൂടുന്നതിനിടെ എക്സൈസ് ഇൻസ്പെക്ടറെ കാറിടിച്ച് അപായപ്പെടുത്താൻ ശ്രമം. പ്രതിയെ എക്സൈസ് സംഘം പിന്തുടർന്നെങ്കിലും യുവാവ് കാർ ഉപേക്ഷിച്ചു കടന്നുകളഞ്ഞു. കാറിൽ നിന്നു 4 ഗ്രാം എംഡിഎംഎ പിടികൂടി. ഇന്നലെ വൈകിട്ട് 5.30ന് കല്ലുംതാഴത്താണു സംഭവമുണ്ടായത്. രഹസ്യ വിവരത്തിന്റെ അടിസ്ഥാനത്തിൽ എക്സൈസ് സംഘം കാത്തു നിൽക്കുകയായിരുന്നു. കാർ തിരിച്ചറിഞ്ഞ എക്സൈസ് സംഘം കൈകാണിച്ചു. ഉദ്യോഗസ്ഥരുടെ അടുത്ത് എത്തിയപ്പോൾ കാർ വേഗം കുറച്ചു. തുടർന്ന് ഇൻസ്പെക്ടറും മറ്റ് ഉദ്യോഗസ്ഥരും കാറിന് സമീപത്തേക്കു മാറിയപ്പോൾ യുവാവ് കാർ അമിത വേഗത്തിൽ മുന്നോട്ട് എടുക്കുകയായിരുന്നു.
അതിനിടെയാണ് എക്സൈസ് എൻഫോഴ്സ്മെന്റ് ആൻഡ് ആന്റി നർകോട്ടിക് സ്ക്വാഡ് ഇൻസ്പെക്ടർ സി.പി. ദിലീപിനെ കാർ തട്ടി വീഴ്ത്തിയത്. നിലത്തു വീണെങ്കിലും പരുക്കു ഗുരുതരമല്ല. മുന്നോട്ട് നീങ്ങിയ കാർ ഒ‍ാട്ടോറിക്ഷയും ഇടിച്ചു വീഴ്ത്തി. തുടർന്ന് 6 കിലോമീറ്ററോളം എക്സൈസ് സംഘം കാറിനു പിന്നാലെ പിൻതുടർന്നു. എക്സൈസ് സംഘം പിന്നിലുണ്ടെന്നു മനസ്സിലായ യുവാവ് മാമ്പുഴ വായനശാല ജംക്‌ഷനിലെ ഇടറോഡിലെ ഒരു പറമ്പിലേക്ക് കാർ ഇടിച്ചു കയറ്റിയ ശേഷം കടന്നുകളയുകയായിരുന്നു. കാർ ഒ‍ാടിച്ച യുവാവ് പാരിപ്പള്ളി സ്വദേശിയാണെന്ന് എക്സൈസ് ഉദ്യോഗസ്ഥർക്ക് വിവരം ലഭിച്ചിട്ടുണ്ട്.
ഇയാൾക്കായി രാത്രി വൈകിയും തിരച്ചിൽ തുടരുകയാണ്. കാർ ഉടമയെക്കുറിച്ചും അന്വേഷണം നടക്കുന്നുണ്ട്. എക്സൈസ് സംഘം കഴിഞ്ഞദിവസം കൊല്ലം റെയിൽവേ സ്റ്റേഷനിൽ നിന്നും ആന്ധ്രയിൽ നിന്നും കൊണ്ടു വന്ന 4 കിലോ കഞ്ചാവുമായി രണ്ടു പേരെ പിടികൂടിയിരുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
