ന്യൂഡല്‍ഹി : ചിട്ടി ഫണ്ടും മണി സർക്കുലേഷൻ കമ്പനികളും നിരോധിക്കാൻ ഹരിയാന സർക്കാരിന്‍റെ തീരുമാനം. പുതിയ നിയമങ്ങൾ വിജ്ഞാപനം ചെയ്തതിനുശേഷം പണം വിതരണം ചെയ്യുന്ന ബിസിനസിൽ ഏർപ്പെട്ടിരിക്കുന്ന കമ്പനികൾ, സ്ഥാപനങ്ങൾ, ആളുകൾ, ബിസിനസ്സ് ഓർഗനൈസേഷനുകൾ എന്നിവയ്ക്ക് സംസ്ഥാനത്ത് നിക്ഷേപം ലഭിക്കില്ല. മുഖ്യമന്ത്രി മനോഹർ ലാൽ ഖട്ടാറിന്‍റെ അധ്യക്ഷതയിൽ ബുധനാഴ്ച ചേർന്ന മന്ത്രിസഭാ യോഗത്തിലാണ് തീരുമാനം.
2022ലെ ഹരിയാന ധൻ പരിസഞ്ചരൺ യോജന (നിരോധിക്കൽ) നിയമത്തിന് മന്ത്രിസഭ അംഗീകാരം നൽകി. ഗസറ്റ് വിജ്ഞാപനത്തിന്‍റെ തീയതി മുതൽ ഈ നിയമങ്ങൾ പ്രാബല്യത്തിൽ വരുമെന്ന് മുഖ്യമന്ത്രി മനോഹർ ലാൽ ഖട്ടർ പറഞ്ഞു. പുതിയ നിയമങ്ങൾ നടപ്പിലാക്കുന്നതിനായി പോലീസ് വകുപ്പ് റിസർവ് ബാങ്ക് ഓഫ് ഇന്ത്യയെ കൂടാതെ സംസ്ഥാന, കേന്ദ്ര, മറ്റ് ഏജൻസികളുമായി ഏകോപിപ്പിക്കും.
ക്യാബിനറ്റ് യോഗത്തിന് ശേഷം പുറത്തിറക്കിയ ഔദ്യോഗിക പ്രസ്താവന പ്രകാരം, മണി സർക്കുലേഷൻ സ്‌കീമുകൾ (നിരോധിക്കൽ) ചട്ടങ്ങൾ-2022 അനുസരിച്ച് ഒരു വ്യക്തിയോ കമ്പനിയോ സ്ഥാപനമോ ബിസിനസ്സ് അസോസിയേഷനോ, ഒരു തരത്തിലും പണമിടപാട് പദ്ധതികൾ പ്രോത്സാഹിപ്പിക്കുകയോ നടത്തുകയോ അതിൽ പങ്കെടുക്കുകയോ ചെയ്യില്ലെന്ന് പ്രസ്താവനയിൽ പറയുന്നു.
പണമിടപാട് പദ്ധതികളുമായി ബന്ധപ്പെട്ട കേസുകൾ പരിശോധിക്കാൻ ഒരു നോഡൽ ഓഫീസറെയും നിയമിക്കും. 1978ലെ ചിറ്റ് മുലയ് അവം ധന് പരിഷഞ്ചരൺ യോജന (നിരോധനം) നിയമം അനുസരിച്ച് ആളുകളെ വഞ്ചിച്ചതിന് കുറ്റക്കാരാണെന്ന് കണ്ടെത്തിയാൽ കമ്പനി, സ്ഥാപനങ്ങൾ, ബിസിനസ്സ് സ്ഥാപനങ്ങൾ എന്നിവയ്ക്കെതിരെ കർശന നടപടിയെടുക്കും.
സംസ്ഥാനത്തിന്‍റെ വിവിധ ഭാഗങ്ങളിൽ ഇപ്പോഴും ചിട്ടി ഫണ്ട് കമ്പനികളുടെ ശൃംഖല നിലവിലുണ്ട് എന്നത് ഇവിടെ എടുത്തു പറയേണ്ടതാണ്. ഗോൾഡൻ ഫോറസ്റ്റ് എൽഎസ്, ഫ്യൂച്ചർ മേക്കർ തുടങ്ങിയ ചിട്ടി ഫണ്ട് കമ്പനികളുടെ സൂത്രധാരൻ നടത്തിയ തട്ടിപ്പുകൾ മുമ്പ് ആയിരക്കണക്കിന് ആളുകളെ നിക്ഷേപത്തിന്‍റെ പേരിൽ കബളിപ്പിച്ചിരുന്നു.
