തിരുവനന്തപുരം: ബൈക്കുകള്‍ തമ്മില്‍ കൂട്ടിയിടിച്ച്‌ ബൈക്ക് യാത്രികനായ മത്സ്യത്തൊഴിലാളി മരിച്ചു. വലിയവേളി സ്വദേശിയായ റീജന്‍ ഔസേപ്പാണ് മരിച്ചത്. ഞായറാഴ്ച പുലര്‍ച്ചെ 2.10 മണിയോടെ കണ്ണന്തുറ കൊച്ചുപള്ളിക്ക് സമീപമാണ് അപകടം നടന്നത്.
വീട്ടിലേക്ക് പോകുകയായിരുന്ന റീജന്റെ ബൈക്കുമായി അമിത വേഗതയിലെത്തിയ മറ്റൊരു ബൈക്ക് കൂട്ടിയിടിക്കുകയായിരുന്നു. അപകടത്തില്‍ ഗുരുതരമായി പരിക്കേറ്റ റീജനെ ഉടന്‍ തന്നെ സമീപത്തെ നഴ്‌സിംഗ് ഹോമിലെത്തിച്ചെങ്കിലും ജീവന്‍ രക്ഷിക്കാനായില്ല. സംഭവസ്ഥലത്തെ സിസിടിവി ദൃശ്യങ്ങള്‍ പോലീസ് പരിശോധിച്ചു.
