റാന്നി : ചെത്തോങ്കര – മേലേൽപ്പടി – ചെല്ലക്കാട് റോഡ് പണി ഉടൻ പൂർത്തിയാക്കണമെന്ന് കെപിസിസി സെക്രട്ടറി റിങ്കു ചെറിയാൻ ആവശ്യപ്പെട്ടു. മരുന്നുകൾ നിർമ്മിച്ച് ഗിന്നി പന്നികളിൽ പരീക്ഷിക്കുന്നതുപോലെയാണ് റീ ബിൽഡ്, കിഫ്‌ബി പദ്ധതികൾ റാന്നിയിൽ പരീക്ഷിക്കുന്നത്. കമ്പിക്കു പകരം തടിക്കഷണങ്ങള്‍ ഉപയോഗിച്ചുള്ള നിര്‍മ്മാണങ്ങള്‍ പിണറായി വിജയന്റെ പരിഷ്കാരമാണ്. റോഡുകളുടെ നിർമ്മാണം പാതിവഴിയിൽ ഉപേക്ഷിച്ച് ജനങ്ങൾക്ക് നരകയാതന സമ്മാനിക്കുകയാണ് ഇടതു സര്‍ക്കാര്‍. കൊട്ടിഘോഷിച്ച നിർമ്മാണ ഉദ്ഘാടനങ്ങളും ഫ്ലക്സ് വെപ്പും മാത്രമാണ് റാന്നിയില്‍ നടക്കുന്നതെന്നും ഇതിനെതിരെ ശക്തമായ ജനരോഷം ഉയരുമെന്നും റിങ്കു ചെറിയാൻ പറഞ്ഞു. ഒരു വർഷത്തിലധികമായി പണിതിട്ടും പണിതിട്ടും പണിതീരാത്ത ചെത്തോങ്കര – മേലേപ്പടി – ചെല്ലക്കാട് റോഡിന്റെ ശോചനീയാവസ്ഥ ഉടൻ പരിഹരിക്കണമെന്ന് ആവശ്യപ്പെട്ട് കോൺഗ്രസ് പഴവങ്ങാടി ടൗൺ മണ്ഡലം കമ്മിറ്റി സംഘടിപ്പിച്ച ജനകീയ ധർണ്ണ ഉദ്ഘാടനം ചെയ്യുകയായിരുന്നു അദ്ദേഹം.
മണ്ഡലം പ്രസിഡന്റ് പ്രമോദ് മന്ദമരുതി അധ്യക്ഷത വഹിച്ചു. പ്രകാശ് തോമസ്, ജെസ്സി അലക്സ്, എ. റ്റി. ജോയിക്കുട്ടി, അന്നമ്മ തോമസ്, സുജ എം. എസ്, വി. സി. ചാക്കോ, ഷേർളി ജോർജ്, റൂബി കോശി, ബിജി വർഗീസ്, ജിജി വർഗീസ്, ബെന്നി മാടത്തുംപടി, റെഞ്ചി പതാലിൽ, ബിനോജ് ചിറയ്ക്കൽ, ജോണി പാറക്കുഴി, ജെറിൻ പ്ലാച്ചേരിൽ, മാത്യു. എം. മാത്യു, സൂസൻ പുത്തൻകാവിൽ, സണ്ണി നടുക്കേമുറി, രാജു റ്റി, ഷാജു മുള്ളംകുഴിയിൽ, സാം തച്ചനാലിൽ, രാജു പുത്തൻപുരയ്ക്കൽ, സണ്ണി താന്നിമൂട്ടിൽ എന്നിവർ പ്രസംഗിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്‍ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള്‍ മലയാളത്തില്‍ ടൈപ്പ് ചെയ്ത് വാര്‍ത്തകള്‍ നല്‍കണം. വാര്‍ത്തകള്‍ നല്‍കുമ്പോള്‍ എല്ലാ നമ്പരുകളിലും മെയിലുകളിലും നല്‍കാതെ ഒരിടത്തുമാത്രം നല്‍കുക. ചീഫ് എഡിറ്ററുമായി ബന്ധപ്പെടുവാന്‍ 94473 66263, 85471 98263, 0468 2333033 എന്നീ നമ്പരുകള്‍ ഉപയോഗിക്കുക.
