പത്തനംതിട്ട : സംസ്ഥാനത്ത് നടപ്പിലാക്കുന്ന എല്ലാ പദ്ധതികളിലും ഭീമമായ തുക കമ്മീഷൻ തട്ടുന്ന വിദഗ്ദ്ധനായ പോക്കറ്റടിക്കാരനാണ് മുഖ്യമന്ത്രി പിണറായി വിജയൻ എന്ന് കെ.പി.സി.സി രാഷ്ട്രീയ കാര്യസമിതി അംഗം പ്രൊഫ.പി.ജെ കുര്യൻ പറഞ്ഞു. എ.ഐ ക്യാമറാ അഴിമതിക്കെതിരെ കെ.പി.സി.സി സംസ്ഥാന വ്യാപകമായി നടത്തിയ പ്രതിഷേധ സമരത്തിന്റെ ഭാഗമായി ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ പത്തനംതിട്ടയിൽ സംഘടിപ്പിച്ച പ്രതിഷേധ ധർണ്ണ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
കേരളത്തിൽ സമസ്ത മേഖലകളിലും അഴിമതി കൊടികുത്തി വാഴുകയാണെന്നും എല്ലാ അഴിമതികളുടേയും പ്രഭവ കേന്ദ്രം മുഖ്യമന്ത്രിയുടെ ഓഫീസാണെന്നും പ്രൊഫ.പി.ജെ കുര്യൻ പറഞ്ഞു. ഏറ്റവും അവസാനം നടന്ന എ.ഐ ക്യാമറ ഇടപാടിലെ അഴിമതി ആരോപണത്തെക്കുറിച്ചുളള മുഖ്യമന്ത്രിയുടെ മൗനം അഴിമതി ശരിവെയ്ക്കുന്നതാണെന്നും പ്രൊഫ.പി.ജെ കുര്യൻ പറഞ്ഞു.
ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിൽ അദ്ധ്യക്ഷത വഹിച്ചു.
മുൻ ഡി.സി.സി പ്രസിഡന്റ് അഡ്വ.കെ.ശിവദാസൻ നായർ, യു.ഡി.എഫ് ജില്ലാ കൺവീനർ എ.ഷംസുദ്ദീൻ, കെ.പി.സി.സി. നിർവാഹക സമിതി അംഗം ജോർജ്ജ് മാമ്മൻ കൊണ്ടൂർ, കെ.പി.സി.സി അംഗം മാലേത്ത് സരളാദേവി, ഡി.സി.സി ഭാരവാഹികളായ എ.സുരേഷ്കുമാർ, സാമുവൽ കിഴക്കുപുറം, കെ. ജാസിംകുട്ടി, സജി കൊട്ടക്കാട്, റോജി പോൾ ഡാനിയേൽ, ജെറി മാത്യു സാം, എലിസബത്ത് അബു,ബ്ലോക്ക് പ്രസിഡന്റ് അബ്ദുൾ കലാം ആസാദ്, മണ്ഡലം പ്രസിഡന്റ് റെനീസ് മുഹമ്മദ്, പോഷക സംഘടനകളുടെ ജില്ലാ പ്രസിഡന്റുമാരായ രജനി പ്രദീപ്,ഷാനവാസ് പെരിങ്ങമല, ബാബു മാമ്പറ്റ, കോൺഗ്രസ് മണ്ഡലം പ്രസിഡന്റുമാരായ പ്രൊഫ.ജി.ജോൺ, സജി അലക്സാണ്ടർ, ജേക്കബ് സാമുവൽ, ജോമോൻ പുതുപ്പറമ്പിൽ എന്നിവർ പ്രസംഗിച്ചു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
