പേ​വി​ഷ വാ​ക്‌​സി​ൻ എ​ടു​ത്തി​ട്ടും മൂ​ന്നു കു​ട്ടി​ക​ൾ മ​രി​ച്ച സം​ഭ​ത്തിൽ റി​പ്പോ​ർ​ട്ട് തേ​ടി ബാ​ലാ​വ​കാ​ശ ക​മ്മീ​ഷ​ൻ

പ​ത്ത​നം​തി​ട്ട: തെ​രു​വു​നാ​യ​യു​ടെ ക​ടി​യേ​റ്റ​തു​മാ​യി ബ​ന്ധ​പ്പെ​ട്ട് പേ​വി​ഷ​വാ​ക്‌​സി​ൻ എ​ടു​ത്തി​ട്ടും അ​ടു​ത്തി​ടെ മൂ​ന്ന് കു​ട്ടി​ക​ൾ മ​രി​ച്ച സം​ഭ​വ​ത്തി​ൽ ആ​രോ​ഗ്യ​വ​കു​പ്പി​നോ​ട് റി​പ്പോ​ർ​ട്ട് ആ​വ​ശ്യ​പ്പെ​ട്ട് ബാ​ലാ​വ​കാ​ശ ക​മ്മീ​ഷ​ൻ. ഹൈ​ക്കോ​ട​തി അ​ഭി​ഭാ​ഷ​ക​നും പൊ​തു പ്ര​വ​ർ​ത്ത​ക​നു​മാ​യ കു​ള​ത്തൂ​ർ ജ​യ്സിം​ഗ് ന​ൽ​കി​യ പ​രാ​തി​യി​ലാ​ണ് ക​മ്മീ​ഷ​ൻറെ ന​ട​പ​ടി. മ​ല​പ്പു​റം തേ​ഞ്ഞി​പ്പ​ലം സ്വ​ദേ​ശി ആ​റ് വ​യ​സു​കാ​രി സി​യാ ഫാ​രി​സ്, പ​ത്ത​നം​തി​ട്ട പു​ല്ലാ​ട് സ്വ​ദേ​ശി ഭാ​ഗ്യ ല​ക്ഷ്മി (13) എ​ന്നി​വ​ർ ക​ഴി​ഞ്ഞ ഏ​പ്രി​ലി​ലും കൊ​ല്ലം പ​ത്ത​നാ​പു​രം കു​ന്നി​ക്കോ​ട് കി​ണ​റ്റി​ൻ​ക​ര ജാ​സ്മി​ൻ മ​ൻ​സി​ലി​ൽ നി​യാ ഫൈ​സ​ലി​ൻ (ഏ​ഴ്) മൂ​ന്നാ​ഴ്ച​ക​ൾ​ക്ക് മു​മ്പും മ​ര​ണ​മ​ട​ഞ്ഞ​ത് പേ​വി​ഷ​ബാ​ധ​യെ​ത്തു​ട​ർ​ന്നാ​യി​രു​ന്നു.

മ​രി​ച്ച മൂ​ന്ന് കു​ട്ടി​ക​ളും നാ​യ്ക്ക​ളു​ടെ ക​ടി​യേ​റ്റ​തു​മാ​യി ബ​ന്ധ​പ്പെ​ട്ട് മൂ​ന്നി​ല​ധി​കം ഡോ​സ് പേ​വി​ഷ​ബാ​ധ പ്ര​തി​രോ​ധ വാ​ക്‌​സീ​ൻ സ്വീ​ക​രി​ച്ചി​രു​ന്നു. 13ന് ​ക​മ്മീ​ഷ​ൻ കേ​സ് പ​രി​ഗ​ണി​ക്കു​മ്പോ​ൾ വി​ശ​ദ റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ആ​രോ​ഗ്യ ഡ​യ​റ​ക്ട​ർ, സം​സ്ഥാ​ന പൊ​തു ജ​നാ​രോ​ഗ്യ ഓ​ഫീ​സ​ർ എ​ന്നി​വ​ർ​ക്ക് ക​മ്മീ​ഷ​ൻ നോ​ട്ടീ​സ് അ​യ​ച്ചു. സ​ർ​ക്കാ​ർ ആ​ശു​പ​ത്രി​യി​ൽ സൂ​ക്ഷി​ക്കു​ന്ന പേ​വി​ഷ​ബാ​ധ വാ​ക്‌​സി​നും ഇ​മ്യൂ​ണോ ഗ്ലോ​ബു​ലി​നും മൂ​ന്ന് വ​ർ​ഷം കാ​ലാ​വ​ധി​യു​ണ്ടെ​ങ്കി​ലും അ​വ കൃ​ത്യ​മാ​യ ഡി​ഗ്രി സെ​ൽ​ഷ്യ​സ് താ​പ​നി​ല​യി​ൽ സൂ​ക്ഷി​ക്കേ​ണ്ട​തു​ണ്ട്. ഇ​വ​യി​ലെ​യും പേ​വി​ഷ​ബാ​ധ കു​ത്തി​വ​യ്പി​ലെ​യും പാ​ളി​ച്ച​ക​ൾ വാ​ക്‌​സി​നു​ക​ൾ പ​രാ​ജ​യ​പ്പെ​ടു​ന്ന​തി​ൻറെ കാ​ര​ണ​ങ്ങ​ളാ​കു​ന്നു​ണ്ടെ​ന്ന് പ​രാ​തി​യി​ൽ പ​റ​യു​ന്നു.