പോലീസ് മർദനം മജിസ്‌ട്രേറ്റിനോട് പറഞ്ഞതിന് യുവാവിനെ ജയിൽ ഉദ്യോഗസ്ഥർ മർദിച്ചെന്ന് പരാതി

തിരുവനന്തപുരം: പോലീസ് മർദനം മജിസ്‌ട്രേറ്റിനോട് പറഞ്ഞതിന് യുവാവിനെ ജയിൽ ഉദ്യോഗസ്ഥർ മർദിച്ചെന്ന് പരാതി. തിരുവനന്തപുരം വെള്ളറടയിൽ സ്വദേശി സജിൻ ദാസാണ് പരാതി നൽകിയത്. ഗുരുതരമായി പരിക്കേറ്റ സജിൻ ദാസിനെ ആശുപത്രിയിൽ പ്രവേശിപ്പിച്ചു. സ്വകാര്യ ബാങ്കില്‍ നിന്നും സജിൻ ദാസ് ഒരുലക്ഷം രൂപ വായ്പയെടുത്തതാണ് സംഭവങ്ങളുടെ തുടക്കം. തിരിച്ചടവ് മുടങ്ങിയതിനെത്തുടർന്ന് ബാങ്ക് ഉദ്യോഗസ്ഥർ വെള്ളറട പോലീസുമായി സജിൻ ദാസിന്റെ വീട്ടിലെത്തി. തുടർന്ന് സജിൻ ദാസിന്റെ വീട്ടിൽ നിന്ന് വസ്തുവകകൾ ജപ്തി ചെയ്ത് ലോറിയിൽ കയറ്റി. ലോറി മുന്നോട്ടെടുത്തപ്പോൾ സജിൻ ദാസ് കുറുകെ നിന്നത് വാക്കേറ്റത്തിലേക്കും തുടർന്ന് സംഘർഷത്തിലേക്കും കാര്യങ്ങൾ എത്തിച്ചു. ഇതോടെ സജിൻ ദാസിനെ പോലീസ് കസ്റ്റഡിയിലെടുത്ത് വാഹനത്തിൽ കയറ്റി. ജീപ്പിൽ വെച്ച് പോലീസുകാർ തന്നെ മർദിച്ചെന്നാണ് സജിൻ ദാസിന്റെ ആദ്യ ആരോപണം.

ഇക്കാര്യം മജിസ്‌ട്രേറ്റിന് മുന്നിൽ ഹാജരാക്കിയപ്പോഴും സജിൻ ദാസ് പറഞ്ഞു. തുടർന്ന് റിമാൻഡിലായി ജയിലിലെത്തിയ സജിൻ ദാസിനെ മൂന്നംഗ ജയിൽ ഉദ്യോഗസ്ഥരുടെ സംഘം മർദിച്ചെന്ന് സജിൻ ദാസ് ആരോപിച്ചു. മർദനത്തോടെ ശ്വാസതടസ്സം നേരിട്ട സജിന്‍ ദാസിനെ നെയ്യാറ്റിന്‍കര ആശുപത്രിയില്‍ പ്രവേശിപ്പിച്ചു. ക്യാമറ ഇല്ലാത്ത മുറിയിൽ കൊണ്ടുപോയാണ് തന്നെ മര്‍ദിച്ചതെന്ന് സജിന്‍ ദാസ് ആരോപിച്ചു. മുഖ്യമന്ത്രി ഉൾപ്പെടെയുള്ളവർക്ക് താൻ പരാതി നൽകുമെന്നും സജിൻ ദാസ് വ്യക്തമാക്കി.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033