പത്തനംതിട്ട : കെ.പി.സി.സി പ്രസിഡന്‍റ് കെ. സുധാകരന്‍ എം.പി, പ്രതിപക്ഷ നേതാവ് വി.ഡി സതീശന്‍ എന്നിവരെ കള്ളക്കേസില്‍ കുടുക്കി പൊതുജന മധ്യത്തില്‍ അവഹേളിക്കുന്നതിനെതിരെയും പിണറായി സര്‍ക്കാരിന്‍റെ അഴിമതികള്‍ പുറത്തുകൊണ്ടുവരുന്ന മാധ്യമപ്രവര്‍ത്തകരെ വേട്ടയാടുന്ന നടപടിയില്‍ പ്രതിഷേധിച്ചും ജില്ലയിലെ ബ്ലോക്ക് കോണ്‍ഗ്രസ് കമ്മിറ്റികളുടെ നേതൃത്വത്തില്‍ തിങ്കളാഴ്ച (31) പോലീസ് സ്റ്റേഷനുകളിലേക്ക് പ്രതിഷേധ മാര്‍ച്ച് സംഘടിപ്പിക്കുമെന്ന് ഡി.സി.സി ജനറല്‍ സെക്രട്ടറി സാമുവല്‍ കിഴക്കുപുറം പറഞ്ഞു.
റാന്നിയില്‍ ഡി.സി.സി പ്രസിഡന്‍റ് പ്രൊഫ. സതീഷ് കൊച്ചുപറമ്പില്‍, പത്തനംതിട്ടയില്‍ കെ.പി.സി.സി ജനറല്‍ സെക്രട്ടറി അഡ്വ. പഴകളം മധു, അടൂരില്‍ മുന്‍ ഡി.സി.സി പ്രസിഡന്‍റ് പി. മോഹന്‍രാജ്, പന്തളത്ത് മുന്‍ മന്ത്രി പന്തളം സുധാകരന്‍, ആറന്മുളയില്‍ കെ.പി.സി.സി സെക്രട്ടറി അഡ്വ. എന്‍. ഷൈലാജ്, തണ്ണിത്തോട് ബ്ലോക്കിലെ മലയാലപ്പുഴയില്‍ കെ.പി.സി.സി അംഗം രാഹുല്‍ മാങ്കൂട്ടത്തില്‍, മല്ലപ്പള്ളിയില്‍ കെ.പി.സി.സി സെക്രട്ടറി അനീഷ് വരിക്കണ്ണാമല, തിരുവല്ലയില്‍ കെ.പി.സി.സി സെക്രട്ടറി റിങ്കു ചെറിയാന്‍, എഴുമറ്റൂരില്‍ മുന്‍ എം.എല്‍.എ മാലേത്ത് സരളാദേവി, കോന്നിയില്‍ കെ.പി.സി.സി അംഗം മാത്യു കുളത്തിങ്കല്‍ എന്നിവര്‍ മാര്‍ച്ച് ഉദ്ഘാടനം ചെയ്യുമെന്ന് ഡി.സി.സി ജനറല്‍ സെക്രട്ടറി അറിയിച്ചു.
സര്‍ക്കാരിന്‍റെ അഴിമതിയെ ചോദ്യം ചെയ്യുന്നവരെ കള്ളക്കേസില്‍ കുടുക്കുന്ന പിണറായി സര്‍ക്കാരിന്‍റെ പ്രതികാര നടപടിക്കെതിരായ ജനങ്ങളുടെ പ്രതിഷേധ മുന്നറിയിപ്പായി പോലീസ് സ്റ്റേഷന്‍ മാര്‍ച്ച് മാറുമെന്നും രാവിലെ 10 മണിക്ക് ആരംഭിക്കുന്ന പ്രതിഷേധ മാര്‍ച്ചില്‍ കോണ്‍ഗ്രസിന്‍റെ എല്ലാ തലത്തിലുള്ള നേതാക്കളും പ്രവര്‍ത്തകരും പങ്കെടുക്കുമെന്നും സാമുവല്‍ കിഴക്കുപുറം പറഞ്ഞു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
