പത്തനംതിട്ട : വന്ദേ ഭാരത് എക്സ് പ്രസ്സ് ട്രെയിനിന് ജില്ലയിലെ ഏക റെയിൽവേ സ്റ്റേഷനായ തിരുവല്ലയിൽ സ്റ്റോപ്പ് അനുവദിക്കാതെ ലക്ഷക്കണക്കിന് ഭക്തർ എത്തുന്ന ശബരിമല തീർത്ഥാടന കേന്ദ്രം ഉൾപ്പെടുന്ന ജില്ലയിലെ ജനങ്ങളെ അവഗണിക്കുന്ന കേന്ദ്ര സർക്കാരിന്റേയും റെയിൽവേ വകുപ്പ് അധികൃതരുടേയും നടപടിയിൽ പ്രതിഷേധിച്ചും അടിയന്തിരമായി സ്റ്റോപ്പ് അനുവദിക്കണമെന്ന് ആവശ്യപ്പെട്ടും ജില്ലാ കോൺഗ്രസ് കമ്മിറ്റിയുടെ നേതൃത്വത്തിൽ 2023 മെയ് 8 -തിങ്കളാഴ്ച്ച തിരുവല്ല റെയിൽവേ സ്‌റ്റേഷനിലേക്ക് മാർച്ചും ധർണ്ണയും സംഘടിപ്പിക്കുമെന്ന് ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിൽ പറഞ്ഞു.
രാവിലെ 09 -മണിക്ക് തിരുവല്ല വൈ.എം.സി.എ – ജംഗ്ഷനിൽ നിന്നും ആരംഭിക്കുന്ന മാർച്ചും ധർണ്ണയും ആന്റോ ആന്റണി എം.പി. ഉദ്ഘാടനം ചെയ്യും. ജില്ലയിലെ മുതിർന്ന കോൺഗ്രസ് നേതാക്കൾ, കെ.പി.സി.സി, ഡി.സി.സി, ബ്ലോക്ക്, മണ്ഡലം, വാർഡ്, ബൂത്ത്,പോഷക സംഘടനാ ഭാരവാഹികൾ, ത്രിതല പഞ്ചായത്ത്, മുനിസിപ്പൽ ജനപ്രതിനിധികൾ, സഹകരണ സംഘം ഭാരവാഹികൾ എന്നിവർ പങ്കെടുക്കുമെന്ന് ഡി.സി.സി പ്രസിഡന്റ് അറിയിച്ചു.
തിരുവല്ലയിൽ സ്റ്റോപ്പ് അനുവദിക്കണം എന്നാവശ്യപ്പെട്ട് കേന്ദ്ര റെയിൽവേ മന്ത്രിക്കും ബന്ധപ്പട്ട് അധികൃതർക്കും നേരിട്ട് നിവേദനം സമർപ്പിച്ചിക്കുകയും രേഖാമൂലം ആവശ്യപ്പെടുകയും ചെയ്തിട്ടും പരിഗണിക്കാതിരിക്കുന്നത് രാഷ്ട്രീയ വിവേചനവും ജില്ലയോടുള്ള കേന്ദ്ര സർക്കാരിന്റെ അവഗണയുടെ ഉദാഹരണവും ആണെന്ന് ആന്റോ ആന്റണി എം.പി പറഞ്ഞു. വന്ദേ ഭാരത് ട്രെയിന് തിരുവല്ലയിൽ സ്റ്റോപ്പ് അനുവദിച്ചില്ലെങ്കിൽ കൂടുതൽ ശക്തമായ സമര പരിപാടികൾക്ക് നേതൃത്വം നല്കുമെന്ന് എം.പി യും ഡി.സി.സി പ്രസിഡന്റും മുന്നറിയിപ്പ് നല്കി.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
