ന്യൂഡൽഹി : അയോധ്യ വിഷയത്തിൽ പാഠപുസ്തകം തിരുത്തി എഴുതിയ എൻ.സി.ഇ.ആർ.ടി നടപടിക്കെതിരെ കടുത്ത വിമർശനവുമായി കോൺഗ്രസ്. ഭരണഘടനയെ എൻ.സി.ഇ.ആർ.ടി ആക്രമിക്കുകയാണെന്ന് കോൺഗ്രസ് ജനറൽ സെക്രട്ടറി ജയറാം രമേശ് പറഞ്ഞു. ബാബരി മസ്ജിദ് തകർത്തതുമായി ബന്ധപ്പെട്ട പത്ര വാർത്തകളും അടിസ്ഥാന വിവരങ്ങളും പാഠപുസ്തകത്തിൽ നിന്നും നീക്കം ചെയ്തതിനെതിരെയാണ് കോൺഗ്രസ് പ്രതിഷേധം. ബാബറി മസ്ജിദിൻ്റെ പേര് പോലും പരാമർശിക്കാതെ പ്ലസ് ടു പൊളിറ്റിക്സ് പാഠപുസ്തകം പുറത്തിറക്കിയതിൽ പ്രതിപക്ഷം നിശിത വിമർശനമാണ് ഉന്നയിക്കുന്നത്. എൻ.സി.ഇ.ആർ.ടിയുടെ ലക്ഷ്യം പാഠപുസ്തകം നിർമിക്കുകയാണ്.
അല്ലാതെ രാഷ്ട്രീയ ലഘുലേഖകളുടെ നിർമാണവും അതിന്റെ പ്രചാരണവുമല്ല. എൻ.സി.ഇ.ആർ.ടി എന്നാൽ നാഷണൽ കൗൺസിൽ ഫോർ എഡ്യുക്കേഷൻ റിസർച് ആൻഡ് ട്രെയ്നിങ് എന്നാണ്. അല്ലാതെ നാഗ്‌പൂറോ നരേന്ദ്ര കൗൺസിൽ ഫോർ എഡ്യുക്കേഷൻ റിസർച് ആൻഡ് ട്രെയ്നിങ് അല്ലെന്നും ജയറാം രമേശ് പറഞ്ഞു. ബാബരി മസ്ജിദുമായി ബന്ധപ്പെട്ട വിഷയത്തിൽ കടുത്ത വീഴ്ച വരുത്തിയ ഉത്തർപ്രദേശ് മുഖ്യമന്ത്രി കല്യാൺ സിംഗിനെ സുപ്രിംകോടതി ശിക്ഷിച്ചതടക്കം വിവരങ്ങൾ നീക്കം ചെയ്താണ് പുതിയ പാഠപുസ്തകം വിദ്യാർഥികളുടെ മുന്നിലെത്തിയത്. ബാബരി മസ്ജിദ് തകർത്തതിനെ കുറിച്ച് വിശദമായി പരാമർശിക്കാതെ രാമക്ഷേത്ര നിർമാണവും അതിന് വഴിയൊരുക്കിയ സുപ്രിംകോടതി വിധികക്കുമാണ് ഊന്നൽ നൽകിയത്. പഴയ പാഠപുസ്തകത്തിൽ പതിനാറാം നൂറ്റാണ്ടിൽ നിർമ്മിച്ച ബാബരി മസ്ജിദ് എന്നായിരുന്നു രേഖപ്പെടുത്തിയത്. എന്നാൽ കഴിഞ്ഞ ആഴ്ച ഇറങ്ങിയ പുതിയ പുസ്തകത്തിൽ 1528ൽ രാമജന്മഭൂമിയിൽ നിർമിച്ച മൂന്ന് മിനാരങ്ങളുള്ള കെട്ടിടമെന്നാണ് വിശേഷിപ്പിച്ചിരിക്കുന്നത്.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
