ചെങ്ങന്നൂർ : 3351 -ാം നമ്പർ കിഴക്കേ നട സർവ്വീസ് സഹകരണ ബാങ്കിനെ അപകീർത്തിപ്പെടുത്താൻ ലക്ഷ്യംവെച്ചു കൊണ്ടാണ് സാമൂഹ്യ – ദൃശ്യ പത്രമാധ്യമങ്ങളിലൂടെ ചില തല്പരകക്ഷികൾ നിരന്തര ശ്രമങ്ങൾ നടത്തുന്നതെന്ന് പ്രസിഡൻ്റ് എൻ.രാധാകൃഷ്ണൻ പറഞ്ഞു. കൃത്യമായ ഈട് വാങ്ങിക്കൊണ്ടാണ് ബാങ്ക് വായ്പ നൽകുന്നത്. സഹകരണ നിയമം അനുസരിച്ച് പ്രവർത്തനം നടത്തുന്ന സ്ഥാപനമാണിത്. വായ്പാ കുടിശിക വരുത്തി ബാങ്കിന് ബാധ്യത വരുത്തുന്നവരുടെ പേരിൽ ആവശ്യമായ നിയമ നടപടികൾ സ്വീകരിച്ചു വരുന്നുമുണ്ട്.
2021 ആഗസ്റ്റിൽ സസ്പെൻ്റ് ചെയ്യപ്പെട്ട ഭരണ സമിതിയെ ഹൈക്കോടതിയുടെ ഉത്തരവു പ്രകാരം നവംബർ 16-നാണ് പുനസ്ഥാപിച്ചത്. നിലവിൽ പ്രസിഡൻ്റായിരുന്ന അഡ്വ: പ്രേംലാൽ സ്വമേധയാ രാജിവെച്ചതിനെത്തുടർന്നാണ് പുതിയ ഭാരവാഹികൾ ചുമതലയേറ്റത്. പ്രേംലാൽ എടുത്ത വായ്പാ കുടിശിക അടയ്ക്കാനുണ്ടായ കാലതാമസം മാത്രമാണ് ബാങ്കിനെതിരെയുള്ള ആരോപണം. ഇതിന് ആവശ്യമായ ഈടും പ്രേംലാൽ നൽകിയിട്ടുണ്ട്. ഈ വായ്പകൾ തിരിച്ചുപിടിക്കുന്നതിനു വേണ്ട നടപടികൾ ബാങ്ക് കൈക്കൊണ്ടിട്ടുണ്ടെന്ന് പ്രസിഡൻ്റ് പറഞ്ഞു.
ബാങ്കിനെതിരെയുള്ള പരാതിക്കാരൻ്റെ ആരോപണം വ്യക്തിതാല്പര്യങ്ങൾ സംരക്ഷിക്കുവാനും ബാങ്കിൻ്റെ പ്രവർത്തനങ്ങളെ തകർക്കാനുള്ള ഗൂഡ നീക്കത്തിൻ്റെ ഭാഗമാണെന്നും മുൻ പ്രസിഡൻ്റ് അഡ്വ. പ്രേംലാൽ പറഞ്ഞു. 15 കോടിയോളം രൂപ കൃത്യമായ ഈട് വാങ്ങിയാണ് വായ്പ നൽകിയിട്ടുള്ളത്. പുതിയ ഭരണസമിതി ചുമതല ഏറ്റതു മുതൽ മൂന്ന് കോടിക്കുമേൽ വായ്പ കുടിശിക ബാങ്ക് ഭരണസമിതി തിരിച്ചു പിടിച്ചു. സ്വർണ്ണം, നിക്ഷേപങ്ങൾ സംബന്ധിച്ച് സഹകരണ വകുപ്പ് കൃത്യമായ പരിശോധന നടത്തുകയും പരാതിയില്ലെന്ന് ഉറപ്പു വരുത്തുകയും ചെയ്തിട്ടുണ്ട്. ബാങ്കിൽ നടന്ന നിയമനങ്ങൾ സഹകരണ വകുപ്പിൻ്റെ നിയമപ്രകാരമാണ് നടത്തിയിട്ടുള്ളതെന്ന് പ്രസി. എൻ.രാധാകൃഷ്ണൻ, സെക്രട്ടറി സുഷമ ശ്രീകുമാർ, ഡയറക്ടർ ബോർഡ് അംഗങ്ങളായ ശശികല ആർ.നായർ, എം എസ് ശ്രീലത, ഗോപിനാഥൻ നായർ, ഹരിഹരൻ തമ്പി, അഡ്വ. ജി. പ്രേംലാൽ എന്നിവർ അറിയിച്ചു.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
