പന്തളം : തിരഞ്ഞെടുപ്പ് പെരുമാറ്റച്ചട്ടം മാറുന്ന മുറയ്ക്ക് പുതിയ സ്വകാര്യ ബസ് സ്റ്റാൻഡ് തുറക്കുമെന്ന പ്രഖ്യാപനം പാഴ്‌വാക്കായി. ഇനിയും നിർമാണ ജോലികൾ ശേഷിക്കുന്നതാണ് കാരണം. ഇതിൽ കലുങ്ക് നിർമാണമാണ് പ്രധാനം. പെരുമാറ്റച്ചട്ടം മാറി ഒരാഴ്ച പിന്നിട്ടിട്ടും ഈ ജോലികൾ തുടങ്ങിയില്ല. സ്റ്റാൻഡിന്റെ മൈതാനം വൃത്തിയാക്കുന്ന ജോലികൾ നടക്കുന്നുണ്ട്. സ്റ്റാൻഡിനുള്ളിലെ പേരാലിന് ചുറ്റും സംരക്ഷണഭിത്തി നിർമിച്ചില്ല. കാത്തിരിപ്പ് കേന്ദ്രത്തിന്റെ നിർമാണം ഏറെക്കുറെ പൂർത്തിയായി. ഇരിപ്പിടങ്ങളും നിർമിച്ചു. സ്റ്റാളുകളിൽ 4 മുറികൾ കടമുറികളാക്കാനാണ് തീരുമാനം.
ഇതിന്റെ എതിർവശത്തെ പഴയ കെട്ടിടം അറ്റകുറ്റപ്പണി നടത്താനുണ്ട്. സ്റ്റാൻഡിൽ പൊക്കവിളക്ക് നേരത്തെ സ്ഥാപിച്ചിരുന്നു. ശുചിമുറി ബ്ലോക്കിന്റെ അറ്റകുറ്റപ്പണിയും നടത്തി. സ്റ്റാൻഡിലേക്ക് പ്രവേശിക്കുന്ന വഴികളും മൈതാനവും കോൺക്രീറ്റ് ചെയ്തിട്ടുണ്ട്. പ്രധാന ജോലികളെല്ലാം പൂർത്തിയായിട്ടും ശേഷിക്കുന്ന നടപടികൾ വൈകുകയാണ്. സ്റ്റാൻഡ് മാറ്റത്തിന് മോട്ടർ വാഹനവകുപ്പിന്റെ അനുമതി ലഭിച്ചിട്ടില്ല. അടുത്ത ആർടി യോഗത്തിൽ ഇത് പരിഗണിക്കും. വകുപ്പിന്റെ ഉദ്യോഗസ്ഥർ സ്ഥലം സന്ദർശിച്ചു പരിശോധന നടത്തി. സ്ഥലം പര്യാപ്തമാണെന്നും മറ്റ് തടസ്സങ്ങളില്ലെന്നുമാണ് അവരുടെ വിലയിരുത്തൽ. അനുമതി ലഭിച്ച ശേഷം ഓട്ടോ സ്റ്റാൻഡ് പുനഃക്രമീകരണം അടക്കം ജോലികളും അവശേഷിക്കുന്നുണ്ട്. ഓഗസ്റ്റ് 17നായിരുന്നു പദ്ധതിയുടെ നിർമാണോദ്ഘാടനം. ഇപ്പോൾ 10 മാസം പിന്നിട്ടു. സർക്കാർ, നഗരസഭ വിഹിതം ഉൾപ്പടെ 40 ലക്ഷം രൂപ വിനിയോഗിച്ചാണ് പദ്ധതി നടപ്പാക്കുന്നത്. അതേസമയം കലുങ്ക് നിർമാണത്തിനുള്ള ടെൻഡർ നടപടികളായെന്നും വൈകാതെ സ്റ്റാൻഡ് പ്രവർത്തനക്ഷമമാകുമെന്നും അധികൃതർ പറഞ്ഞു.
കേരളത്തിലെ ഒരു മുന്‍നിര ഓണ്‍ലൈന്‍ വാര്‍ത്താ ചാനലാണ്‌ പത്തനംതിട്ട മീഡിയാ. ജില്ലയിലെ പ്രാദേശിക വാര്‍ത്തകള്‍ക്ക് മുന്‍തൂക്കം നല്‍കിക്കൊണ്ടാണ് പത്തനംതിട്ട മീഡിയാ മുമ്പോട്ടു പോകുന്നത്. തികച്ചും സൌജന്യമായാണ് ഈ വാര്‍ത്തകള്‍ നിങ്ങള്‍ക്ക് ലഭിക്കുന്നത്. രാവിലെ 4 മണി മുതല്‍ രാത്രി 12 മണിവരെ തടസ്സമില്ലാതെ എല്ലാ വാര്‍ത്തകളും ഉടനടി നിങ്ങള്‍ക്ക് ലഭിക്കും. ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പത്തനംതിട്ട ജില്ലയിലെ ഏക ഓണ്‍ലൈന്‍ ചാനലാണ്‌ പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. അതോടൊപ്പം നിങ്ങളുടെ നാട്ടില്‍ നടക്കുന്ന വാര്‍ത്താ പ്രാധാന്യമുള്ള വിഷയങ്ങള്‍ ഞങ്ങള്‍ക്ക് നേരിട്ട് റിപ്പോര്‍ട്ട് ചെയ്യുകയുമാകാം.
———————-
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263
mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 /
mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
